Erklärung

Ils students nodan cun las cefras dad 1-3 (per las damondas) il stan actual en il barometer. Silsuenter stattan els sin peis e fan in tur tras la stanza da scola. Mintga persuna ch'els entaupan damondan els co ella hagi e dattan sezs plaid e fatg, sch'els vegnan dumandai. 

En ina secunda runda tschentan els duas ulteriuras damondas, numnadamain: 

Sch'in rispunda ch'el sesenti buca bein, damonda l'auter, daco che quei seigi aschia. Il pertuccau/La pertuccada sa lu raquintar (sch’el/ella vul), nua ch'ei fa mal e tgei ch'ei il problem.

Las construcziuns nudadas el cudisch sustegnan ina communicaziun fluenta.

El plenum vegn silsuenter rimnau ils mals e las expressiuns ch’ins drova per exprimer, sch'ei va buca bein cun ins. E sco punt al proxim exercezi sa la scolasta dumandar tgei ch’ins stoppi far, sch'ei mondi propi buca bein cun ins (sligiaziun: ir tiel miedi). 

Sligaziun

VERBS REFLEXIVS

Erklärung

Ils students teidlan ils dialogs (models da copiar) e dattan risposta allas damondas. Sch'els fan quei a moda correcta, semuossa il plaid-clav VERBS REFLEXIVS. 

El plenum vegn eruiu la muntada dall'expressiun ed ei vegn encuretg communablamain suenter exempels pusseivels. In exempel tipic semuossa ellas damondas dil pensum A (Co sesentas ti?). Cun agid da quel sa la scolasta explicar la colligiaziun dil pronom cul verb ed aschia far la punt alla proxima incarica. 

Sligaziun

Sligaziun

Questa sera S'ENTAUPA ella cun sia megliera amitga. 

El SEDAT breigia da far il curtgin.  

Ellas SECAPESCHAN bein, perquei ch'ellas ein tuttina veglias ed han ils medems hobis.

Jeu SESENTEL bein, perquei che la primavera vegn. 

Mia tatta SELAVA mintga damaun cun aua ferdaglia. 

Quella casa S'AUDA als geniturs da miu um. 

Nus SEDUMANDEIN sche quei ei la verdad. 

Sas aunc SEREGURDAR cu nus essan sevesi l'emprema ga? 

Erklärung

Ils students empleinan las largias culs verbs che van aprau. Ei setracta da verbs ch'els enconuschan gia, denton buc en fuorma reflexiva. La davosa construcziun ('Sas aunc seregurdar cu nus essan sevesi l'emprema ga?') fa la punt all'incarica d'approfundaziun. Ei setracta dall'emprema lingia dil text dalla canzun Sas aunc dad Alexi e Marcus. 

Erklärung

Avon ch'entscheiver igl exercezi, emprovan ils students d'anflar las dretgas expressiuns per las illustraziuns. La scolasta sa nudar las expressiuns vid la tabla ni era schar parter tier ils students las expressiuns sil model allas illustraziuns. Quei san ins era schar far en gruppas pintgas. Sco finiziun da quella preactivitad sa la scolasta dumandar tgei ulteriurs mieds ni tgei metodas ch'els sappien proponer el cass da malsogna. Era lezzas vegnan nudadas vid la tabla e duvradas per la secunda part digl exercezi. 

Ils students colligian silsuenter ils caums 1-18 cun ina dallas illustraziuns, las sligiaziuns vegnan controlladas el plenum. Ina persuna sedrezza ad in'autra culla suandonta damonda: «Ti has pigliau freid. Tgei drovas ti?» La persuna dat risposta e formulescha sezza ina damonda sin fundament d'in auter simtom. 

Sco finiziun vegn discutau el plenum davart las damondas. 

Erklärung

Ils students scrivan il text. Sco finiziun dat mintga student ord sia atgna experientscha in tip medicinal als auters. Tenor situaziun e giavisch sa vegnir dumandau suenter ni argumentau pro ni contra in mied ni ina metoda dils students. 

Erklärung

Ils students exerciteschan ina scena tiel miedi. Il pazient va cun in da ses mals tiel miedi (ni ch'el inventa in). La scena vegn giugada pliras gadas, tochen ch'ella ei promta per la presentaziun el plenum. 

El plenum vegnan las situaziuns presentadas. Las gruppas che miran tier decidan, sch'il miedi/la miedia ha reagiu bein e sche las propostas da medegar fan senn.