Sligaziun

Il pli car ein il vin ed ils capuns.

Il pli bienmarcau ei in glas aua.

Erklärung

La scolasta ha rasau ora sin meisa differents daners da tschugalata e bancnotas (da termagls ni veras). Ils students descrivan tgei ch'els vesan sin meisa. La finamira ei d'elaborar culs students las expressiuns ch'ei drovan per tschintschar davart prezis e daners (p.ex. ils diembers tochen tschien en pass da diesch, ils daners, ils raps, las bancnotas, tschunconta raps, in franc, ei cuosta, con cuosta?). La scolasta sa nudar singulas expressiuns vid la tabla. En in secund pass damonda la scolasta suenter prezis da differentas caussas ch'ils students possedan ed ils students dattan risposta (p.ex. Con cuosta tiu rispli? Il rispli cuosta in franc e vegn.). Per mintga risposta sa il student pertuccau prender in rap da tschugalata e magliar quel. Ils students fan sinaquei igl exercezi en gruppas da dus. El plenum vegnan ils resultats silsuenter controllai e las damondas discutadas. Per finir empleina mintga student la tabella a scret.

Sligaziun

Ils treis dialogs muossan la situaziun, cura ch'ei vegn pagau suenter ina viseta en in'ustria. Dus dils dialogs – igl emprem ed il tierz – muossan ina situaziun emperneivla, tut ha funcziunau bein, il hosp ei cuntents. El secund dialog exprima il hosp sia malcuntentientscha. Il camerier emprova da far bien la situaziun, mo ei resta anavos in schliet sentiment.

Formulaziuns per exprimer zatgei bien, ni zatgei che disturba:

Formulaziun per pagar:

Erklärung

El plenum vegnan ils treis dialogs tedlai (models da copiar). Communablamein emprovan ils students da dar risposta allas damondas e da rimnar formulaziuns.

Erklärung

En gruppas da dus formuleschan ils students in agen discuors en in'ustria. Cura ch'els han nudau lur versiun, discuteschan els quel culla scolasta e curregian tenor basegns. Silsuenter exerciteschan els il discuors en dus, tochen ch'els san presentar quel senza agid da lur notizias.

El plenum vegnan ils discuors presentai. Las suandontas damondas accumpognan l'evaluaziun dils discuors.

Erklärung

L'evaluaziun da quei pensum succeda pér all'entschatta dalla proxima lecziun. La scolasta tschenta las suandontas damondas ed ils students stattan sin peis, sch'els san rispunder cun 'gie'. 

Las novas formulaziuns vegnan screttas vid la tabla ed ils students han la pusseivladad da nudar quellas en lur carnet da scriver.