WORK IN PROGRESS

Tut che lavura

A

Sligaziun
5. Andri Hendry, canzlist 1. Lucrezia Berther, psicoterapeuta 4. Lars Caduff, tschentaplantschius

6. Flurina Chistell, tgirunza 2. Andreas Cadonau, pur e schurnalist 3. Justina Blumenthal-Deflorin, pictura

Erklärung

Ils students legian las damondas. Communablamein vegn segirau la capientscha. Silsuenter legia mintga student in'intervista ed emprova da capir il cuntegn. Plaids nunenconuschents vegnan screts vid la tabla. Silsuenter vegn presentau la quintessenza da mintga intervista el plenum.

Finalmein attribueschan ils students las fotografias allas dretgas persunas tenor mistregns.

 

Variantas:

Las intervistas vegnan legidas communablamein el plenum suenter che mintgin ha eruiu la muntada da plaids difficils en ina dallas intervistas. Pusseivel eis ei era da schar leger ils students las intervistas en lavur quieta e star a disposiziun sco scolasta per damondas lexicalas. 

Zusatzaufgaben

Rätsel Berufsleute
Rätsel Berufsleute - Lösung

Kopiervorlagen

Interviews Berufsleute

B

Erklärung

El plenum vegn la muntada dallas cumpetenzas ella tabella discutada. Ils students cumpleteschan cun duas cumpetenzas e duas professiuns ed empleinan la tabella. El plenum vegn silsuenter discutau las sligiaziuns ed argumentau las rispostas.

D

Erklärung

Ils students dattan sezs risposta allas damondas. Sco evaluaziun san ils students arver lur carnets ed ils students van per la stanza entuorn e legian las rispostas. Sut mintga intervista nodan els in pign commentari cun rispli.

E

Erklärung

Ils students fan il giug, il tabu dallas professiuns en classa. La scolasta taglia il model da copiar en cartas e reparta ina carta a mintga student. La scolasta fa sezza in exempel ed emprova da descriver ina professiun, quei denton senza duvrar ils plaids che stattan silla carta. Silsuenter fan ils students il medem. Il vischin/la vischina da quel che declara controllescha, sch'ei vegn buca duvrau ils plaids silla carta. Ils auters students legnan las professiuns e quel che ha lignau las pli biaras ha gudignau.

 

Varianta:

Ins sa era giugar in cun l'auter (enstagl in encunter l'auter). En quei cass emprova la gruppa da lignar aschi biaras professiuns sco pusseivel enteifer in temps definiu. En ina secunda runda sa la gruppa empruar da migliurar il diember da professiuns lignadas.

 

Alternativa:

Sche l'incarica dil giug ei memia pretensiusa per la gruppa, sa la scolasta reparter a mintga student ina carta. Mintgin scriva in legn da clic per schar lignar la professiun, quei cun agid dils plaids silla carta (mira era exercezi d'approfundaziun). 

 

Per exempel:

Tgei professiun ei quei (APOTERCHER/APOTECRA)

1. Quella professiun dat ei era tier nus en Surselva.
2. En quella professiun lavuran ins cunzun endadens.
3. En quella professiun ston ins luvrar fetg exact.
4. Quella professiun elegian umens e dunnas medemamein.
5. En quella professiun han ins da cussegliar la glieud.
6. Per saver far quella professiun ston ins studegiar all'universitad.
7. En quella professiun han ins da vender products.
8. En quella professiun s'occupeschan ins da caussas medicinalas.

Zusatzaufgaben

Klickrätsel

Kopiervorlagen

Spielkarten

F

Erklärung

Ils students scrivan in sboz d'in text en lur carnet da scriver e laian curreger el dalla scolasta. Silsuenter scrivan els il text da bi sillas lingias ed aschuntan ina fotografia ch'illustrescha quei ch'els han formulau. Sco evaluaziun san ils students brattar denter els ils carnets e preleger il text d'enzatgi auter. La classa legna sinquei tgei professiun da siemi che s'auda tier tgei persuna.

 

Las suandontas damondas san vegnir tematisadas el plenum:

•

Tgei professiuns da siemi ein semegliontas?
•

Tgi ha ina professiun da siemi che fa part dil camp sportiv/cultural/scientific?
•

Tgei professiuns da siemi ein realisablas, tgeininas pli pauc?