| dispeta | sora | onda | carezia | fegl | mumma | forza |
| feglia | famiglia | ei | tatta | leu | nua | aug |
| cusrin | che | tiu | cor | e | tia | biadi |
| ragischs | tat | olma | sesentan | da | cusrina | segirtad |
| cuminonza | plascher | frar | casa | biadia | calira | fidonza |
| ligioms | sustegn | quitau | bab | respect | patria | pasch |
Ils plaids colurai fuorman in cor.
| 1. die Mutter | la mumma | 8. der Onkel | igl aug |
| 2. der Vater | il bab | 9. der Cousin | il cusrin |
| 3. der Bruder | il frar | 10. die Cousine | la cusrina |
| 4. die Schwester | la sora | 11. der Sohn | il fegl |
| 5. die Grossmutter | la tatta | 12. die Tochter | la feglia |
| 6. der Grossvater | il tat | 13. der Enkel | il biadi |
| 7. die Tante | l'onda | 14. die Enkelin | la biadia |
'Famiglia ei leu nua che tiu cor e tia olma sesentan da casa.'
| 1. |  |
| 2. | Info grafica: foto Familie Berther Maissen |
| 3. |  |
| 4. |  |
Nus essan la famiglia Venzin e habitein a Mustér. Nies temps liber passentein nus bugen ella natira ed essan perquei ina famiglia fetg activa, seigi quei cun viagiar, cun ir cun velo e cun skis. Il bab Ursin ha in'atgna fatschenta d'inschigniers e planisaders ed el ei in catschadur passiunau.
La mumma Annina ha quitau dalla famiglia e lavura dasperas a temps parzial tier la Banca Raiffeisen.
Rico ha 5 onns ed entscheiva gleiti la scoletta. El ei nossa gronda miracla, perquei ch'el ei vegnius bia memia baul sil mund. Nies sulegl pign ha num Maurus e cumpletescha nossa famiglia. E tgei surpresa – el e la mumma Annina han il medem di natalezi.
Nus essan la famiglia Berther Maissen. Bab, mumma, quater affons e dus giats. Nus habitein a Segnas en ina casa cun in grond curtin. Il bab ha num David. El ei guid da muntogna e scrinari. Il pli bugen va el cun skis. La mumma ha num Toja ed ei scolasta. Ella ei bugen ella natira ed els cuolms. Ella fa fetg bugen cuorsa liunga. Noelia ei la veglia dils affons. Ella va ella 4. classa. Ella suna bugen cello e va bugen a reiver. Il secund vegl ei Linard. El ha otg onns e va ella secunda classa. La stad va el bugen cun velo ed igl unviern cun skis. Il tierz affon ha num Maurus. El ha sis onns e va ell‘emprema classa. Maurus dat bugen ballapei cun ses fargliuns e va bugen cun skis. La giuvna en famiglia ei Marietta. Ella ha quater onns e selegra da gleiti astgar ir a scoletta. Ella seglia bugen sil trampolin e va bugen a reiver. L'entira famiglia careza igl unviern e la neiv e passenta bia temps ensemen sin skis. Dapi in meins s'audan aunc dus giats tier la famiglia. In tigher ed in ner cun tacs sco aur. Il tigher ha num Tadeus ed il ner senumna Naila. En casa dalla famiglia Berther Maissen eis ei mai ruasseivel. Mo la notg cu tuts dorman. E schizun lu audan ins segir zatgi che runca.
Nus essan la famiglia Schär-Riedi culla mumma Riccarda, il bab Hugo ed ils treis fegls (da seniester) Martin, Tobias e Tizian. Nus vivin amiez la Surselva a Rueun e la fotografia vein fatg alla riva dil Rein anteriur che percuora la Surselva. Nus essan tuts en ina ni pliras uniuns e gudin la cumpignia. Riccarda impunda bia temps liber per preparar uorden per la termagliera. Ferton che Hugo fa bugen musica en siu temps liber dattan ils treis fegls bal, tuts el medem club. (Il bien humor el mintgadi astga era buca muncar.)
Nus essan tut ils cusrins e las cusrinas dalla famiglia Cathomas cul tat Leo e culla tatta Renata. Il cusrin il pli vegl ei Maurin, el ha 17 onns e sil bratsch dad Anna Lea ei Lino, il pli giuven e pign. Siat da nus stattan era a Glion, ils auters ein da casa ella Bassa, els cantuns Argovia e Berna. Nus essan tuts differents, mo cu nus sevesin, semeglia ei adina cuort. Ed il pli bi eis ei dad ir silla plazza da giugs gest dasperas ni da dar in scart da troccas culla tatta. Cheu essan nus gest s'entupai avon casa a Glion per festivar Nadal. Mo la neiv muncava.