WORK IN PROGRESS

Famiglias d'antruras

A

Sligaziun

Il cudisch cuntegn purtrets d'ina generaziun che ha viu bia ella veta e che ha fatg bia experientschas. Cornelia Vinzens ei vegnida sill'idea da scriver quei cudisch en connex culla lavur da matura, ha denton saviu realisar el pér in pèr onns pli tard. 

Erklärung

La scolasta entscheiva la lecziun culla suandonta damonda: S'imagina che ti vesses la peda ed ils daners da scriver ed edir in cudisch. Sur da tgei scrivesses ti in cudisch? El plenum vegn presentau las singulas propostas, la scolasta noda las tematicas che vegnan exprimidas vid la tabla. Silsuenter vegn tedlau l'emissiun da radio ed ils students emprovan da capir davart tgei tematica che Cornelia Vinzens ha scret in cudisch. Els nodan treis expressiuns ch'els audan ella contribuziun e discuteschan las expressiuns, erueschan lur muntada e filosofeschan el plenum davart il cuntegn dil cudisch. Las suandontas damondas san menar la discussiun: 

•

Tgei ei la tematica dil cudisch? 
•

Tgei ei stau la raschun per scriver il cudisch? 
•

Tgei muntan las suandontas expressiuns: la Secunda Uiara mundiala, la baselgia, maridar 
•

Translatescha il tetel 'Nus savevan da nuot auter'. 

C

Erklärung

Ils students legian persuls ni en gruppas da dus in text. Els emprovan cun agid da vocabularis e dalla scolasta da capir il cuntegn e formuleschan per els ina resumaziun dil cuntegn ch'els vulan presentar el plenum. Els san far quei a scret e lu preleger ni raquintar. La scolasta noda duront las presentaziuns plaids impurtonts vid la tabla per sustener la capientscha. Per concluder san las suandontas damondas vegnir discutadas: 

• Tgei san ins dir davart quella generaziun?
• Tgei han tut ils texts communabel? 
• Vesses ti bugen viviu en quei temps? Pertgei (buc)? 

E

Erklärung

Persuls ni en gruppas da dus formuleschan ils students treis damondas ch'els san tschentar ad ina persuna pli passada. La scolasta curregia il sboz, aschia che las damondas ein promtas per l'intervista. Sco pensum da casa fan ils students ina cuorta intervista cun ina persuna pli passada. Las rispostas portan els el plenum, seigi quei cun resumar en agens plaids, cun ina registraziun d'audio ni video ni en in'autra fuorma.