Legia cun agid dil glossari il text davart l'uetta. Per Renata Cathomas-Beer ei quei il pli bi plaid romontsch. Clicca silsuenter tier mintga plaid che vegn encuretgs sin in caum grisch, legia la damonda corrispundenta e sligia il legn da plaids.

Uetta

Mes emprems plaids sco pintga poppetta

eran 'tatta, dai uetta'.

Secapescha stuevan bizochels,

pèschs maghers e tut las pettas

adina cuntener in tschuat uettas.

Miu giug preferiu lu en scoletta

era quel d'encurir l'uetta.

Cun uettas devel schizun mulin

e trenavel en scola igl inagain.

Als mats sco engraziel per las schibettas

regalavel patlaunas cun grom'ed uettas.

Sin mia via ed en las chinettas

entupau haiel jeu bia bunas uettas.

Mo anflau la finala ella petta

pil cor – tgei cletg – lu mia uetta.

Glossari:

l'uetta – die Rosine / igl inagain – das Einmaleins

cuntener – enhalten /  il mat – der Bursche

in tschuat – einen Haufen, viele / la patlauna – das Fasnachtsküchlein

encurir – suchen / entupar – treffen