WORK IN PROGRESS

Mangiativas

A

Sligaziun

charn e pesch liongia, puolpa, dschambun, panzetta, salmun, pulaster
prodots da lat chaschöl, gromma, jogurt, latmilch, painch
frütta mail, fraja, banana, üa, pair, ampas, citrun
verdüra mailinterra, finoch, rischgelgua, cucumer, salata, tomata, cardifiol
bavrondas/liquids aua, tè, cafè, vinars, vin, biera, aschaid

 

M U S T A R D A P A N T A G L I A D I N A S
S A L P U L E N T A R I S Ö V B U L A I S  

Erklärung

Per activar il presavair po la magistra tour cun sai a scoula differentas mangiativas e bavrondas chi's po attribuir a las tschinch categorias da la lezcha A (charn e pesch, prodots da lat, frütta, verdüra, bavrondas/liquids). Ella po dumandar als students, co chi’s disch a quellas mangiativas in rumantsch. La magistra po cumanzar culs pleds chi sun fich sumgliaints al tudais-ch (p.ex. banana, tomata, …) ed ella po lura cuntinuar cun pleds, ingio cha’ls students pon far la punt ad otras linguas (p.ex. pan, dschambun, vin, lat, cafè, …).  

 

Idea:

La magistra nota quatter categorias vi da la tabla: damangiar, dabaiver, chosas chi's douvra per mangiar o baiver, otras chosas. Ella declera mincha categoria cun ün movimaint chi s'affa cun quella. Lura prelegia ella singuls pleds da las differentas categorias. Davo mincha pled fan ils students il movimaint chi s'affa culla categoria adattada. Lura vegnan discusas las differentas soluziuns. La magistra animescha als students da far la punt ad otras linguas. 

 

Exaimpels per pleds:

damangiar banana, pan, dschambun, tomata, pesch, charn, ...
dabaiver lat, sü/schü, aua (minerala), vin, biera, tè, ...
chosas chi's douvra per mangiar o baiver curtè, furchetta, sdun, tazza/coppina, magöl, padella, ...
otras chosas scua, let, maisa, sopcha, rispli, forsch, zanga, ...

 

Lura sclerischa la magistra la significaziun da las differentas categorias da la lezcha A (charn e pesch, prodots da lat, frütta, verdüra, bavrondas/liquids). Ils students fan la lezcha A e discutan variantas dal pled da soluziun 'mangiativas'. 

B

Erklärung

Ils students collian ils differents pasts cullas indicaziuns da temp chi s'affan cun quels. La magistra renda attent als students cha'l pled marenda vain dovrà tant per üna boccada l'avantmezdi sco il davomezdi ed eir per ün picnic chi's piglia cun sai p.ex. per üna gita in muntogna. 

D

Erklärung

Ils students douvran il plat sco basa per ün diagram, cul qual els visualiseschan lur agens adüs da mangiar. Els partan aint il plat in differents secturs plü gronds e plü pitschens ed indicheschan cun üna culur da che categoria da mangiativas chi's tratta. Els scrivan aint ils secturs ils prodots da quella categoria ch’els mangian il plü suvent. Ils students partan aint eir il magöl in secturs da differenta grondezza e notan in minchün da quels las bavrondas predilettas. 

E

Erklärung

Ils students implischan la tabella cun lur prodots predilets e decleran cuortamaing, perche ch'els douvran quels prodots per viver. Lura preschaintan els lur prodots a la classa. Per dar als students üna survista da las respostas, nota la magistra las mangiativas chi vegnan nomnadas vi da la tabla. Sch'üna mangiativa vain nomnada üna seguonda jada, fa ella ün strich davo il pled. A la fin po ella dumandar il seguaint: 

• Che prodots sun importants per tuots/pels blers da vossa classa?  
• Chenüns sun ils 5 prodots predilets da vossa classa? 
• Che prodots han tschernü be singuls da vossa classa? 
•

Perche daja differenzas? 

Respostas pussiblas: 

- differentas preferenzas da gust

- differents adüs da mangiar  

- differents stils da viver 

- differentas filosofias da's nudrir (che es san?) – punt a la prosma incumbenza

F

Erklärung

Ils students legian las sabgentschas da tanta Vivi e culurischan ils proverbis chi s'affan cun lur aigna filosofia da's nudrir. Per evaluar las lezchas po la magistra preleger ils tips. Ils students chi sun da la listessa opiniun sco tanta Vivi pon mincha jada star sü. A la fin po la magistra dumandar als students chenünas da las sabgentschas chi polariseschan il plü ferm e perche ch'els crajan cha quai saja uschè.

G

Erklärung

Ils students scrivan ün text davart las sabgentschas da tanta Vivi in lur quadern da lavur. Per evaluar ils texts pon els expuoner lur quaderns, e'ls constudents fan ün gir tras la stanza da scoula e legian che cha tschels students han scrit. La magistra po far las seguaintas dumondas a la classa: 

• Che sabgentscha da tanta Vivi polarisescha il plü ferm?
• Cun che cussagl nun eschat vus insomma na perinclets?
• Che cussagl seguis vus cun success?

Zusatzaufgaben

Üetta
Üetta - Lösung