Övs marschs: sal, öli, persic, meil, mango
Pled da soluziun: GUSTS
Ils students tscherchan l'öv marsch e notan il pled da soluziun (GUSTS) sülla lingia. In classa vegnan ramassats ils differents gusts e notats vi da la tabla: dutsch, asch, amar, insalà, savurus. La magistra renda attent als students al pled amar chi po gnir dovrà sco sinonim da pitter/pitra ed al pled gustus chi po gnir dovrà sco sinonim da savurus.
| amar/pitter | dutsch | asch | insalà | |
| üa | x | x | ||
| pizza | x | |||
| sirup dad ampas | x | |||
| tschiculatta | x | x | ||
| salmun | x | |||
| broccolis | x | x | ||
| puolpa | x | x | ||
| sü/schü d'orandschas | x | x | x | |
| mösa da mailinterra | ||||
| cappuccino | x | |||
| caramella | x | |||
| ketschup | x | x | ||
| datlas | x | |||
| tschiguolla | x | |||
| vin | x | x | x | |
| liongia da brassar | x |
Pro mincha chosa fan ils students üna o plüssas cruschs illa tabella. Il gust savurus nu fa part da la tabella, siond cha quel pled nu vain dovrà uschè suvent i'l minchadi e perquai cha quel gust nun es uschè simpel da distinguer. Per quista lezcha nu daja üna soluziun clera, perquai cha la percepziun dal gust es suvent fich subjectiva. Per evaluar la lezcha po la magistra far la seguainta dumonda: 'Che gust ha ... ?'. Ils students respuondan adüna cun üna frasa ('… ha ün gust amar.'). A la fin vegnan las dumondas discusas in classa.
 |
Ils students legian ils differents pleds e discutan adüna in duos che cha quels significhan. La magistra taidla che ch'els discutan e tils declera ils pleds incuntschaints. Lura legian ils students las descripziuns scrittas in fuorma da rima e prouvan d'implir las loccas cun ün dals pleds survart. La magistra po render attent als students cha'l pled tscherchà sto ir in rima cul pled avant la comma e ch’els ston minchatant dovrar la fuorma feminina dals pleds. Per evaluar la lezcha pon las descripziuns gnir prelettas in classa. A la fin po la magistra dumandar il seguaint als students:
| • | Che significha il pled spezchas? |
| • | Perche as douvra spezchas? |
| • | Che spezchas daja? |
| • | Che gusts pon spezchas dar als trats? |
| • | Che es vossa spezcha prediletta? |
|
1. omata |
3. mango |
5. ris |
|
2. liongia da brassar |
4. meil d'aviöls |
6. chaschöl |
Ils students taidlan las ingiavineras davart las mangiativas e notan las soluziuns aint ils chotens. Scha'ls students nu san dir da che prodot chi's tratta, po la magistra dar pro minchün ün ulteriur tip.
Ils students pon far quista lezcha in lavur individuala o in gruppas da duos. Davo ch'els han miss l'ingiavinera in scrit, pon els laschar correger il text da la magistra.
Idea:
registrar l'ingiavinera sco audio e tilla laschar tadlar a la gruppa
La magistra prepara differentas mangiativas sün sdunins. Ella metta las chosas in ün lö, ingio cha'ls students nu tillas vezzan. Ils students pon uossa degustar ün davo tschel üna mangiativa cun ögls serrats o liats sü. Davo avair degustà la mangiativa descrivan els adüna il gust e la consistenza da quella cun agüd da las frasas formuladas aint il cudesch (lezcha E). Scha'l student ha ingiavinà inandret la mangiativa ch'el ha degustà, po el eir descriver oters aspets da quella. Ils constudents taidlan ed ingiavinan da che mangiativa chi's tratta. A la fin respuondan ils students a las dumondas formuladas aint il cudesch.