WORK IN PROGRESS

Das-chessan nus pajar?

A

Sligaziun

Bild Colaflasche La butiglia da Coca-Cola cuosta quatter francs. 
Bild Wein vainchetschinch francs    
Bild Suppe desch francs  
Bild Salat dudesch francs    
Bild Spaghetti saidesch francs    
Bild Tatsch vainchequatter francs
Bild Glacé ot francs
Bild Kaffee trais francs e tschinquanta
Bild Wasserglas gratuit
Bild Stück Kuchen quatter francs e mez

 

Il plü char sun il vin e'l tatsch.

Il plü bunmarchà es ün magöl aua da la spina.

Erklärung

La magistra metta differenta munaida da tschiculatta e bancanotas (da giovar o s-chettas) sün maisa. Ils students descrivan che ch'els vezzan. Il böt es d'elavurar culs students las expressiuns necessarias per discuorrer da predschs e raps (p.ex. ils nomers fin tschient in pass da desch, ils raps, ils francs, las bancanotas, tschinquanta raps, ün franc, i cuosta, quant cuosta ...?). La magistra po notar singulas expressiuns vi da la tabla. In ün seguond pass dumonda la magistra als students, quant cha mincha chosa ch'els possedan cuosta, e'ls students respuondan a las dumondas (p.ex. Quant cuosta teis rispli? Meis rispli cuosta ün franc e vainch.). Per mincha resposta po il student pertoc tour ün rap da tschiculatta e mangiar quel. Ils students fan lura in duos l'exercizi a bocca. Els controllan davo insembel ils resultats in classa e discutan las dumondas. Per finir implischa mincha student la tabella in scrit. 

B

Sligaziun

Ils trais dialogs muossan la situaziun, cur chi vain pajà davo üna visita in ün'ustaria o ün restorant. Duos dals dialogs – il prüm e'l terz – preschaintan üna situaziun allegraivla, tuot ha funcziunà bain, il giast es cuntaint. I'l seguond dialog exprima il giast sia malcuntantezza. Il camarier prouva da salvar la situaziun, ma i resta inavo ün nosch sentimaint.

 

Formulaziuns pussiblas per exprimer alch positiv ed alch chi disturba:

- La schoppa es massa insalada, il magöl d'aua es suos-ch.
- Il quint nu tuorna, nus nu vain gnü ingün vin.
- La tschaina ha gustà fich bain ed eir il vin d'eira squisit.
- Il tatsch es stat excellent, co til han Els fat?
- Grazcha fich per la bella saira.

 

Formulaziuns per pajar:

- Das-chessan nus pajar, per plaschair?
- Pudessan nus pajar, per plaschair?
- Das-chessan nus avair il quint, per plaschair? 
- Il quint, per plaschair.

Erklärung

Ils students taidlan insembel ils trais dialogs (models da copchar). Els prouvan da respuonder a las dumondas e da ramassar formulaziuns ch'els pon scriver in lur quadern da lavur.

Kopiervorlagen

Dialoge

C

Erklärung

Ils students formuleschan in gruppas da duos ün agen discuors in ün'ustaria o ün restorant. Cur ch'els han scrit lur sböz, discutan els quel culla magistra e til corregian, schi fa dabsögn. Lura exerciteschan els il discuors in duos, fin ch'els til pon preschantar, sainza stuvair dovrar lur notizchas.

 

Ils discuors vegnan preschantats in classa. Las seguaintas dumondas accumpognan l'evaluaziun dals discuors.

• Che discuors sun stats armonics, chenüns brich? Perche na?
• Chi ha pajà culla carta, chi contant?
• Quanta bunaman han dat ils giasts als camariers?
• Che formulaziuns as distinguan il plü ferm dal tudais-ch?
• Che es stat simpel, che es stat greiv per vus?

D

Erklärung

Quista lezcha vain evaluada pür al cumanzamaint da la prosma lecziun. La magistra fa las seguaintas dumondas, e'ls students stan sü, sch'els pon respuonder cun 'eu'.

• Chi ha fat la lezcha da chasa ed ha visità / ed es i in ün'ustaria/ün restorant?
• Chi ha discurrü be rumantsch ill'ustaria/al restorant?
• Chi ha pudü discuorrer rumantsch cul camarier/culla camariera?
• Chi ha spais daplü co 50 francs?
• Chi ha dat üna bunaman al camarier/a la camariera?
• Chi tuornarà dal sgür darcheu in quell'ustaria/in quel restorant?
• Chi ha imprais nouvas formulaziuns?

 

Las nouvas formulaziuns vegnan scrittas vi da la tabla e’ls students han la pussibiltà da scriver quellas in lur quaderns da lavur.