WORK IN PROGRESS

Tuot chi lavura

A

Sligaziun

3. Mazzina Noggler, specialista da sandà 4. Andri Cuonz, guardgia dal Parc Naziunal 8. Duri à Porta, turistiker
7. Fadrina Hofmann, schurnalista 9. Riet Caflisch, paur 1. Sara Rauch, magistra
5. Anna Mathis Nesa, indschegnera forestala 6. Valentin Hohenegger, falegnam 2. Oscar Walther, impiegà da banca

Erklärung

Ils students legian las dumondas. Els s'atscherteschan d'avair inclet las dumondas. Lura prelegia mincha student üna da sias intervistas e prouva d'incleger il cuntgnü da quella. Pleds incuntschaints vegnan scrits vi da la tabla. Per finir preschaintan ils students la quintessenza da mincha intervista in classa.  

Per finir attribuischan ils students las fotografias a las drettas persunas tenor mansters.

 

Variantas:

Las intervistas vegnan lettas cumünaivelmaing in classa, davo cha mincha student ha scleri la significaziun da pleds difficils chi's chatta in üna da las intervistas. La magistra po eir laschar leger als students las intervistas in lavur quieta e star a disposiziun per dumondas lexicalas. 

Zusatzaufgaben

Rätsel Berufsleute
Rätsel Berufsleute - Lösung

Kopiervorlagen

Interviews Berufsleute

B

Erklärung

Ils students discutan insembel las cumpetenzas illa tabella. Els cumpletteschan la tabella cun duos cumpetenzas e cun duos mansters ed implischan la tabella. Ils students discutan lura in classa las soluziuns ed argumanteschan las respostas. 

D

Erklärung

Ils students respuondan a las dumondas. Per evaluar lur respostas pon els expuoner lur quaderns da lavur in stanza da scoula. Ils students van lura per stanza intuorn e legian las differentas respostas. Suot mincha intervista scrivan els ün pitschen commentar cun rispli. 

E

Erklärung

Ils students fann il gö 'Il tabu dals mansters' in classa. La magistra taglia oura las cartas dal model da copchar e scumparta üna carta a mincha student. Ella fa svess ün exaimpel e prouva da descriver ün manster, ma sainza dovrar ils pleds chi sun scrits sülla carta. Lura fan ils students il listess. Il vaschin/la vaschina da quel chi declera il manster controlla chi nu gnian dovrats ils pleds scrits sülla carta. Tschels students ingiavinan ils mansters, e quel chi ha ingiavinà ils plü blers mansters ha guadagnà. 

 

Varianta:

I's po eir giovar ün cun tschel (impè dad ün cunter tschel). In quel cas prouva la gruppa dad ingiavinar ils plü blers mansters pussibels infra ün temp defini. In üna seguonda runda po la gruppa provar d'ingiavinar amo daplüs mansters. 

 

Alternativa:

Scha l'incumbenza dal gö es massa pretensiusa per la gruppa, po la magistra scumpartir üna carta a mincha student. Quel formulescha ün'ingiavinera da clic per laschar eruir il manster in classa, quai cun agüd dals pleds scrits sülla carta (verer eir l'exercizi d'approfundimaint).  

 

Per exaimpel: 

Che manster es quai? (APOTEKER/APOTECRA) 

1.

Quist manster daja eir in Engiadina Bassa. 
2.

Quist manster as faja impustüt dadaint. 
3.

In quist manster as stoja lavurar fich exact. 
4.

Quist manster tschernan tant homens sco duonnas. 
5.

In quist manster esa da cusgliar a la glieud. 
6.

Per pudair far quist manster esa da stübgiar a l’università. 
7.

In quist manster esa da vender prodots. 
8.

In quist manster esa da s’occupar da chosas medicinalas. 

Kopiervorlagen

Spielkarten

Zusatzaufgaben

Klickrätsel

F

Erklärung

Ils students scrivan ün sböz d'ün text in lur quadern da lavur e til laschan correger da la magistra. Lura scrivan els il text in net süllas lingias ed agiundschan üna fotografia chi illustrescha quai ch'els han formulà. Sco evaluaziun pon ils students barattar ils quaderns tranter pêr e preleger il text d'inchün oter. La classa ingiavina lura che manster da sömmi chi tocca pro che persuna. 

 

Las seguaintas dumondas pon gnir tematisadas in classa: 

•

Che mansters da sömmi sun sumgliaints? 
•

Chi ha ün manster da sömmi chi fa part dal chomp sportiv/cultural/scientific? 
•

Che mansters da sömmi sun realisabels, chenüns damain?