| dispeta | sour | tanta | amur | figl | mamma | forza |
| figlia | famiglia | es | nona | là | ingio | barba |
| cusdrin | cha | teis | cuor | e | tia | mima |
| ragischs | bazegner | orma | sun | da | pin | sgürezza |
| cumünanza | plaschair | frar | chasa | abiadia | chod | fiduzcha |
| lioms | sustegn | pisser | bap | respect | patria | pasch |
Ils pleds culurits fuorman ün cour. Quella fuorma significha il seguaint: «Teis dachasa es là, ingio cha teis cour as sainta bain.»
| 1. die Mutter | la mamma | 8. der Onkel | il barba |
| 2. der Vater | il bap | 9. der Cousin | il cusdrin |
| 3. der Bruder | il frar | 10. die Cousine | il pin |
| 4. die Schwester | la sour | 11. der Sohn | il figl |
| 5. die Grossmutter | la nona | 12. die Tochter | la figlia |
| 6. der Grossvater | il bazegner | 13. der Enkel | l'abiadi |
| 7. die Tante | la tanta | 14. die Patin | la mima |
'Famiglia es là, ingio cha teis cour e tia orma sun da chasa.'
Info grafica: Illustrationen integrieren
| 1. | Info grafica: Illustration Familie Riatsch |
| 2. | Info grafica: Illustration Familie Bezzola-Gustin |
| 3. | Info grafica: Illustration Familie Schär-Riedi |
| 4. | Info grafica: Illustration Familie Mengiardi |
1. Nus eschan la famiglia Riatsch e stain a Ramosch. Nos temp liber passantaina jent illa natüra ed eschan perquai üna famiglia fich activa. Nus viagiain jent e giain jent cul velo e culs skis. Nos bap Notin ha ün affar d'indschegneria e da planisaziun ed el es ün chatschader paschiunà.
La mamma Annina pissera per la famiglia e lavura daspera a temp parzial in üna banca.
Rico ha 5 ons e cumainza bainbod la scoulina. El es nos grond miracul, siond che'l es nat bler massa bod. Nos sulaïn ha nom Mauro, el es il cratschadè da nossa famiglia. E che coincidenza – el e nossa mamma Annina han il listess di ils ons.
2. Nus eschan la famiglia Bezzola-Gustin. Bap, mamma, quatter uffants e duos giats. Nus stain a Scuol in üna chasa cun ün grond üert. Il bap ha nom Men Duri. El es guida da muntogna e falegnam. Il plü jent va el culs skis. La mamma ha nom Tina ed es magistra. Ella es suvent illa natüra e va jent in muntogna. Ella fa eir fich jent passlung. Noelia es la veglia da nus uffants. Ella va in quarta classa. Ella suna il cello e va jent a raiver. Il seguond vegl es Linard. El ha ot ons e va in seguonda classa. Da stà va el jent cul velo e d'inviern culs skis. Il terz da nus uffants ha nom Clotin. El ha ses ons e va in prüma classa. El giova jent a ballapè cun seis fradgliuns e va jent culs skis. La plü giuvna da nossa famiglia es Marietta. Ella ha quatter ons e s'allegra da pudair ir bainbod a scoulina. Ella saglia jent sül trampolin e va jent a raiver. Tuot la famiglia ha jent l'inviern e la naiv e passainta bler temp insembel süls skis. Daspö ün mais toccan amo duos giats pro la famiglia. Ün tigherin ed üna nairina cun tacals dad or. Il tigherin ha nom Tadeus e la nairina ha nom Naila. Illa chasa da la famiglia Bezzola-Gustin nun esa mai quiet. Be la not, cur cha tuots dorman. E perfin lura as doda sgür ad inchün chi grofla.
3. Nus eschan la famiglia Schär-Riedi culla mamma Ricarda, il bap Hugo e'ls trais figls (da schnestra) Martin, Tobias e Tizian. Nus vivain in Engiadina Bassa, ad Ardez, e la fotografia vaina fat a la riva da l'En. Nus eschan tuots in üna o plüssas uniuns e giodain la cumpagnia. Ricarda impuonda bler temp liber per pinar ils giovarets dals uffants per ir sülla plazza da gö. Intant cha Hugo fa jent musica in seis temp liber, giovan ils trais figls suvent a ballapè, tuots i'l istess club. (L'umur i'l minchadi nu dascha neir mancar.)
4. Nus eschan ils cusdrins e las cusdrinas da la famiglia Mengiardi cul bazegner Gian Reto e culla nona Domenica chi stan a Sent. Il plü vegl da nus cusdrins es Men Luca. El ha 17 ons e sül bratsch dad Anna Lea es Lino, il plü giuven ed il plü pitschen da tuot la cusdrinada. Set da nus stan eir a Sent, tschels sun da chasa giò la Bassa, i'ls chantuns d'Argovia e da Berna. Nus eschan tuots fich differents, ma cur cha'ns vezzain, nun ans esa mai lungurus. Ed il plü bel esa dad ir insembel sülla plazza da giovar o da far ün gö cun nona e bazegner. Quia ans vaina güsta inscuntrats davant chasa a Sent per festagiar Nadal. Ma la naiv mancaiva.