Erklärung

La scolasta pren cun ella differents bategls da vestgadira en in sac buca transparent. Ils students han – in suenter l'auter – la pusseivladad dad ir cun in maun el sac per palpar tgei ch'il sac cuntegn. Els descrivan quei ch'els sentan e la classa legna tgei ch'ei savess esser. La scolasta controllescha e sch'igl ei il dretg, vegn la caussa prida ord il sac e messa sin meisa. Quei succeda cun tut ils tocs da vestgadira ch'ein el sac.  

Las suandontas expressiuns sa la scolasta nudar vid la tabla per gidar da formular las descripziuns: 

La caussa ei loma, neidia, fina, gronda, pintga, ... 

La caussa ei da teila, da launa, da mangola, da curom, da seida, ... 

La caussa ha nuvs, ina siaranetga, bindels, in culier ... 

Per finir reparta la scolasta a mintga student in ni dus cedels cullas expressiuns dalla vestgadira ed els plazzeschan quels sils dretgs tocs da vestgadira.  

Erklärung

La scolasta tschenta las damondas sutvart el plenum. Ils students che san rispunder cun gie stattan sin peis. 

Per finir sa mintga student dir tgei ch'ei siu toc da vestgadira preferiu e daco che quei ei aschia. 

Sligaziun

Ils suandonts plaids sezuppan ella salata da bustabs: CAULTSCHA, CALZER, CALTSCHEULS, CAPI, SCHLINGIA, TSCHENTA, LISMER, CAMISCHA, RASSA, SOCCA, GIACCA 

Erklärung

Ils students enqueran las 11 expressiuns en la salata da bustabs (C). Sch'igl ei memia grev, sa la scolasta mintgamai indicar igl emprem bustab dil plaid. Ils plaids vegnan silsuenter pendi en scaffa vid il lenn e zuar tut tenor con bein ch'els san memorisar il plaid (D). Era pondereschan els per ils dus plaids ils pli grevs ina punt d'asen per saver tener endamen l'expressiun romontscha (E). El plenum vegn brattau las punts d'asen. Era vegn cumparegliau las expressiuns romontschas culs plaids els lungatgs dils students per veser eventualas semeglientschas che savessen promover la memorisaziun. 

Erklärung

Ils students descrivan la fotografia da lur famiglia en lur carnets da scriver. Silsuenter discuteschan els las damondas cun lur vischin/vischina. El plenum sa mintgin lu cuortamein descriver tgei ch'ei siu tenue preferiu e daco che quei ei aschia. Ina part dil tenue preferiu sa lu era vegnir duvrada per pachetar ella valischa, pia sco contribuziun per l'activitad che suonda. 

Erklärung

La scolasta entscheiva l'activitad cull'emprema construcziun: «Jeu mon en vacanzas e pren cun mei in lismer d'unviern.» En retscha aschuntan ils students tgei ch'els prendan cun els en vacanzas (ei sa era esser ina part dil tenue preferiu ch'els han menziunau cuort avon), quei denton adina cun repeter quei ch'ils auters han gia menziunau. Per exempel: «Jeu mon en vacanzas e prendel cun mei in lismer d'unviern ed ils calzers aults.» Sch'in student seregorda buca pli da quei ch'ils auters han detg, croda el ora e sto naven da lu nudar quei che vegn detg en siu carnet da scriver. Tgi che ha la megliera memoria, ha gudignau. 

Erklärung

Ils students fan gl'emprem igl exercezi en lavur singula. Els san far diever dils vocabularis online ni analogs per rimnar ultra dils plaids enconuschents aunc auters. El plenum vegnan las sligiaziuns presentadas, la scolasta rimna tut ils novs plaids vid la tabla. Las suandontas damondas accumpognan l'evaluaziun digl exercezi: 

Erklärung

La scolasta reparta in model da copiar a mintga student. Ils students formuleschan sin quel las damondas correctas. Lezzas vegnan controlladas el plenum e silsuenter van ils students tras las retschas ed enqueran persunas che san rispundar a lur damondas cun in gie. Els nodan sil fegl ils nums corrispundents (in num astga cumparer maximalmein duas gadas) e tuornan anavos en lur plazs, cura ch'els han finiu il pensum. La davosa damonda fa la punt agl exercezi supplementar.