WORK IN PROGRESS

La moda

A

Erklärung

Ils students legian l'intervista en gruppas da dus, dad ault e cun midar giu. Cun agid dalla scolasta emprovan els da capir il cuntegn. La scolasta sa sinquei controllar la capientscha entras damondas. Sch'ils students ein d'accord culla constataziun, stattan els sin peis. 

 

Constataziuns:

• Manuela Gobetti-Lutz ei ina Sursilvana. (correct) 
• Ella viva dapi biars onns ella Bassa. (correct) 
• Manuela Gobetti-Lutz ei emploiada d'ina gronda firma da moda. (falliu) 
• Ella fa vestgadira sin mesira. (correct) 
• Manuela Gobetti-Lutz creescha cunzun vestgadira per umens. (falliu) 
• Ella ha creau las rassas per la concurrenza da Miss Svizra il 2018. (correct) 
• Ella ei attenta al fatg nua e co las teilas ein vegnidas producidas. (correct) 
• Cusunzas dat ei fetg biaras. (falliu) 

B

Erklärung

Ils students empleinan il legn cruschau cun agid dall'intervista e dil vocabulari. Il plaid-clav ei il num dalla fatschenta da Manuela Gobetti-Lutz. El plenum sa vegnir speculau, pertgei che ella ha eligiu in num romontsch. Era sa mintga student/a dir co el/ella dess num a sia fatschenta. 

C

Sligaziun

  Manuela Gobetti-Lutz

Tgei professiun ha Manuela Gobetti-Lutz? E ti? 

 Manuela Gobetti-Lutz ha fatg in emprendissadi sco cusunza ed ei ussa creatura da moda. 

Pertgei ha ella eligiu quella professiun? E ti? 

 Ella ha adina dessignau bugen ed era las lavurs manilas han adina fascinau ella. 

Cun tgei material lavura ella? E ti? 

 Ella lavura bugen cun material natural sco launa e seida. Mo era glin ei in material che plai ad ella. 

Tgei plai ad ella en special vid sia lavur? E tgei plai a ti? 

 Ella careza la lavur cun different material ed il contact culla clientella. Ei fa plascher da veser ch'ins ha creau zatgei e ch’ins vegn da far in plascher alla clientella. 

Tgei sfidas vesa ella en siu mintgadi? E ti? 

 Igl ei grev d'anflar persunas che vulan luvrar sco cusunzas. La producziun en Svizra cuosta. La sfida ei d'anflar ina nischa per tener petg alla gronda industria da moda. 

Tgei ligioms ha ella culla Romontschia? E ti?

 Ses geniturs vivan a Rabius ed ella fa savens visetas en Romontschia. Era il contact cullas collegas romontschas ei impurtonts. 

Erklärung

Ils students empleinan gl'emprem la tabella cullas rispostas pertuccont Manuela Gobetti-Lutz. Silsuenter nodan els lur atgnas rispostas e discuteschan quellas cun lur vischin/a.  

 

El plenum vegnan las suandontas damondas discutadas: 

• Tgi lavura era en ina professiun, nua ch'il material ei da grond'impurtonza? 
• Tgi ha era ina professiun, nua ch'igl ei grev d'anflar glieud scolada? 
• Tgei plai a vus en special en vossa professiun? 
• Tgei sfidas dat ei en vossas professiuns? 
• Tgei ligioms culla Romontschia veis vus? 

D

Sligaziun

romantic/flurus: flurs, gagl, ballerinas, musters, rosa, sandalas, rassa liunga 

elegant/festiv: calzers cun calcogns aults, gilet, tschiep, vestgiu, cravatta, ner, stgir blau, rassa liunga 

formal/business: tschiep, vestgiu, cravatta, ner, stgir blau 

sportiv/leger: calzers da gimnastica, capetscha, jeans, caultschas cuortas 

Erklärung

Ils students fan igl exercezi ed el plenum vegnan las sligiaziuns pusseivlas discutadas. Per finir sa la classa empruar d'attribuir mintga student/a ad in stil da vestgadira, quei mintgamai cun argumentar la decisiun. Quella activitad fa la punt alla davosa incarica. 

E

Erklärung

Ils students discuteschan las damondas en dus. Per finir sa mintga pèr presentar ina risposta dallas damondas el plenum.