Sligaziun

Info grafica: 12 Illus/Emoticons

Sligiaziun: Co sesentas ti oz?

Erklärung

Sco introducziun noda la scolasta ils differents adjectivs digl exercezi vid la tabla e damonda ils scolars, tgei tetel ch'ins savess dar a quella rimnada da plaids. Cun agid da lur presavida e cun far la punt ad auters lungatgs vegnan ils students ad eruir ch'ei setracta dad adjectivs che descrivan il sesentir ni sentiments. Sin fundament dil tetel emprovan ils students da saver attribuir la muntada als plaids nunenconuschents.  

Silsuenter iniziescha la scolasta ina cuorta activitad da pantomima. Ella supplichescha in student da serrar ils egls e muossa alla classa in adjectiv vid la tabla che l'entira classa sto presentar al student eligiu a moda pantomimica. Il student astga uss arver ils egls. El observa bein la mimica da ses conscolars e legna da tgei adjectiv ch'ei setracta. L'activitad cuntinuescha cul proxim student. 

Suenter l'introducziun sligian ils students il pensum A. Els enqueran ils adjectivs el legn da bustabs e nodan els sper il maletg corrispundent. Ord ils bustabs restonts sefuorma la damonda 'Co sesentas ti oz?'. Ils students rispundan alla damonda cun nudar in ni plirs adjectivs adattai silla lingia da risposta.  

Per evaluar l'activitad e visualisar il sesentir actual dalla classa, san ils students alla fin far ina crusch vid la tabla sper igl adjectiv/ils adjectivs ch'els han nudau el carnet da lavur. 

Sligaziun

Erklärung

Ils students legian ils tetels dils dialogs ella tabella. Silsuenter teidlan els ils dialogs (models da copiar) e scrivan la numera corrispundenta sper mintga tetel. Plinavon nodan els ils nums dallas persunas ch'ein involvidas els dialogs. 

Sligaziun

Lisa ei vilada perquei ch'ella astga star mo tochen las diesch alla fiasta da natalezi. 

Marcus ei staunchels perquei ch'el ei ius a letg pér allas duas. 

Andrin ei frustraus perquei ch'el ha fatg ina schliata nota en geografia. 

Nicole ei ventireivla perquei ch'ella ha gest anflau sia buorsa. 

Lena ei tresta perquei ch'ella fa quitaus per sia tatta ch'ei malsauna.

Valentin ei nervus perquei ch'el spetga Luisa. 

Erklärung

Ils students teidlan aunc inaga ils dialogs. Silsuenter lavuran els en pèrs. Cun agid dalla tabella tschentan els in a l'auter damondas sco egl exempel e rispundan ad ellas. 

Erklärung

Ils students nodan las rispostas dil pensum C a scret. 

Erklärung

Ils students miran aunc inaga pli exact sillas fuormas digl adjectiv els pensums B-D. Els san far las suandontas observaziuns: 

La scolasta sa far attents ils students ad irregularitads che stattan en connex cull'ortografia: 

Sligaziun

Erklärung

Ils students legian il memo grammatical davart igl adjectiv predicativ ed attributiv. Silsuenter empleinan els la tabella cullas fuormas che mauncan. 

Sligaziun

Sligiaziuns pusseivlas:

Erklärung

Ils students legian las construcziuns e nodan mintgamai ina construcziun che va aprau. Els fan diever dils adjectivs empri. En mintga construcziun adatteschan els la fuorma dil verb e digl adjectiv alla persuna indicada (numerus, genus). La scolasta fa attents ils students ch'ei vegni duvrau la fuorma masculina, sche igl adjectiv serefereschi sin in nomen feminin ed in nomen masculin (p.ex: Simon e Lara ein trests.).

Erklärung

Ils students legian las construcziuns e nodan silsuenter cuortamein co els sesantan ella situaziun descretta. Els san far diever dils adjectivs empri. Ein quels buc adattai, astgan ils students era encurir el vocabulari adjectivs che van meglier aprau cun lur sesentir. 

Erklärung

Per exercitar ed automatisar las fuormas digl adjectiv dattan ils students il quartet (models da copiar). La finamira dil quartet ei da survegnir aschi bia quartets (tut las quater cartas d'in adjectiv) sco pusseivel. Per contonscher quella finamira, vegnan tut las cartas repartidas ulivamein sils giugadurs. Silsuenter astga il giugadur che ei il pli fit entscheiver. El damonda in dils auters giugadurs, sch'el hagi ina dallas cartas che s'auda tier in adjectiv ch'el ha enta pugn. El damonda per exempel: «Has ti la carta 'Ella ei tresta.?'» Posseda la persuna dumandada la carta, sto ella dar la carta al giugadur e lez astga tschentar la proxima damonda alla medema ni ad in'autra persuna tochen ch'enzatgi ha buca la carta tschercada. Silsuenter ei il proxim giugadur en roda. Ha in giugadur quater cartas dil medem adjectiv, astga el metter giu il quartet avon el. Il giug ei alla fin cu tut ils quartets ein mess giu. Per eruir il victur ni la victura dil giug, dumbra mintga giugadur ses quartets. La persuna che ha ils pli biars quartets gudogna. 

Erklärung

Per aunc inaga repeter las expressiuns ch'ein vegnidas introducidas el capetel, vegn fatg ina runda e mintgin di cuortamein co el sesenta. Sin damonda sa el explicar la raschun per ses sentiments el detagl.