Sligaziun

petta da nuschs, capuns, maluns, puolpa, bizochels, furtem Bettler, pèschs maghers, caschiel d'alp, petta cun péra, plaininpigna, vinars, andutgel, ligiongias, tuorta da carn da Cuera, truffels barsai, mèl d'aviuls 

Erklärung

La scolasta peina per mintga student ina petta da nuschs pintga en siu plaz. Ils students arrivan e san guder quei pign dessert avon che la lecziun entscheivi. El plenum rimnan ils students lu ils nums d'autras specialitads culinaricas (romontschas, mo era schiglioc dil Grischun) sin cedels che vegnan plazzai amiez la meisa. La gruppa fa uorden cun quels cedels.

Ei vegn sortiu tenor ... 

... specialitads dultschas e saladas. 

... specialitads che cuntegnan legums ni carn. 

... specialitads che cuntegnan alcohol e negin alcohol. 

... specialitads che era ils affons han fetg bugen ni plitost buc aschi a cor. 

... specialitads caras e bienmarcau. 

... specialitads sanadeivlas e malsanadeivlas. 

Sligaziun

Erklärung

La scolasta explichescha ch'els s'occupeschien en quella lecziun da rudien cul recept per cuschinar maluns. En in emprem pass miran els il video e numereschan ils differents pass da lavur. El plenum vegn la dretga sligiaziun tschercada. La scolasta fa attenta ils students ch'il video cuntegni las expressiuns en rumantsch grischun ch'ein buc adina las medemas per sursilvan (paintg > pischada). Las suandontas damondas vegnan discutadas el plenum: 

Sligaziun

Nus vein decidiu da cuschinar oz zatgei ensemen. Gl'emprem stuein nus preparar las ingredienzas. Jeu fetsch giu la pelletscha e tagliel ils legums en pintga tocca. Miu amitg vegn a barsar la carn. Duront ch'ils legums e la carn coi(a)n silla platta da fiug, pinein nus las ingredienzas per far la pasta da paun. Per quei stuein nus mischedar bein la frina cul levon. Jeu vegn era ad aschuntar entginas jarvas e lu volvel jeu bufatg la pasta per ch'ella mondi si bein da tuttas varts. Silsuenter mettein nus il paun en furnel e s'occupein denton dalla salata. Nus lavein/tagliein las tomatas e cungin ellas cun sal e peiver. Cura che tut ei cotg, survin nus la tschavera, magliein en cumpignia e savein guder ina tscheina gustusa.

Erklärung

Sco introducziun fan ils students il giug da pantomima en connex cun verbs. L'entira gruppa emprova da far ils moviments che la scolasta muossa sin in cedel (tagliaus ora dil model ch'ei vegnius copiaus sin A3). In ni dus students ein davontier e legnan las activitads (sche buc aunc enconuschent, cun numnar il plaid tudestg). La scolasta plazzescha silsuenter il cedel cul plaid romontsch amiez la meisa ni vid la tabla per ch'ils students sappien memorisar quel. Ils plaids romontschs gidan silsuenter ils students da far il pensum a scret. Lu fan ils students igl exercezi a scret. El plenum vegnan ils resultats currigi e discutai. 

Erklärung

Ils students pondereschan, tgei ch'els san cuschinar bein. Lu nodan els la gliesta dallas ingredienzas e descrivan a moda sempla il recept. Els lavuran cul vocabulari (online) e tilan a nez igl agid dalla scolasta. Lezza sustegn e noda cuntinuadamein las formulaziuns ch'ella propona a singuls students vid la tabla per che tuts sappien profitar. 

Erklärung

Cun agid da lur notizias presentan ils students lur specialitads culinarias a lur constudents. Ins sa far quei pensum en gruppas da dus, en gruppas pli grondas ni era el plenum. El cass d'ina pintga gruppa san ins era far quei exercezi en fuorma da speeddating, aschia che tuts presentan in a l'auter. 

Sco finiziun san ils students nudar las expressiuns e formulaziuns che la scolasta ha scret vid la tabla en lur carnet da scriver. Sch'igl interess ei avon maun, sa la scolasta rimnar ils singuls recepts e (suenter la correctura formala) copiar els per l'entira gruppa, aschia che mintgin ha silsuenter a disposiziun ina rimnada da recepts per romontsch. 

Erklärung

El plenum rimnan ils students quei ch'ei drova per saver cuschinar maluns. Sper las ingredienzas dil menu ston els denton era ponderar vid la vischala e la pusada ch'ei necessaria per preparar e magliar ils maluns. Cura che tut las ingredienzas ed ils utensils ein nudai, vegn decidiu en gruppa tgi che pren l'autra ga tgei cun el/ella. Tut tenor situaziun sa era la scolasta surprender la gronda part ni pagar ils students per la vivonda ch'els cumpran e prendan cun els el cuors l'autra ga. Igl ei previu da preparar, cuschinar e magliar ils maluns duront la proxima lecziun. Cunquei che gliez drova siu temps, ston ins quintar cun silmeins duas lecziuns (in'ura e mesa) per la part 5.6 (Bien appetit!). Era sto il liug porscher la pusseivladad da saver cuschinar. Sche quei ei buca pusseivel, sa la scolasta era dar incaricas ch'ils students fan gia certas lavurs e preparaziuns a casa ni ch'ella porta cun ella ils maluns gia cuschinai.

Sligaziun

Sligiaziun digl exercezi digital: Anflas ti il plaid-clav?

1. Tgei jarva vegn manizzada ella pasta? PETERSCHIN

2. cuntrari da 'gries' MANEDEL

3. autra specialitad grischuna BIZOCHELS

4. sinonim per 'fried' ODUR

5. ina part dil tgierp EGL

6. Jeu sun sia mumma, ella ei mia ... FEGLIA

7. ina specialitad da carn CARNPIERTG

8. La mumma da mia mumma ei mia ... TATTA

9. ina historia inventada PRAULA

Plaid-clav: ENZUGLIAR