Ovs marschs: sal, ieli, persic, meil, mango
Plaid da sligiaziun: GUSTS
Ils students enqueran igl iev marsch e nodan il plaid da sligiaziun gusts silla lingia. El plenum vegnan ils differents gusts rimnai e nudai vid la tabla: dultsch, asch, peter, salau, umami. La scolasta fa attents ils students al plaid amar che sa vegnir duvraus sco sinonim per peter.
| peter/amar | dultsch | asch | salau | |
| iua | x | x | ||
| pizza | x | |||
| sirup da puaunas | x | |||
| tschugalatta | x | x | ||
| salm | x | |||
| broccoli | x | x | ||
| puolpa | x | |||
| suc d'oranschas | x | x | x | |
| buglia da truffels | x | |||
| cappuccino | x | |||
| caramel | x | |||
| ketschup | x | x | ||
| datla | x | |||
| tschaguola | x | |||
| vin | x | x | x | |
| ligiongia da barsar | x |
Tier mintga caussa fan ils students ina ni pliras cruschs ella tabella. Il gust umami ei buca part dalla tabella, perquei che quei plaid vegn buca duvraus aschi savens el mintgadi e perquei che quei gust ei buc aschi sempels da distinguer. Per quei pensum dat ei buc ina sligiaziun clara, damai che la percepziun dil gust ei savens fetg subjectiva. Per evaluar il pensum, sa la scolasta tschentar la damonda 'Tgei gust ha ...?'. Ils students rispundan mintgamai cun ina construcziun ('… ha in gust peter.').
Alla fin vegnan las damondas discutadas en classa.
 |
Ils students legian ils differents plaids e fan en dus supposiziuns davart la muntada da quels. La scolasta controllescha las supposiziuns e sclarescha la muntada dils plaids nunenconuschents. Silsuenter legian ils students las descripziuns ch'ein screttas en fuorma da rema ed emprovan d'emplenir las largias cun in dils plaids survart. La scolasta sa far attents ils students che il plaid encuretg stoppi far rema cul plaid avon la comma e ch'els stoppien mintgaton duvrar la fuorma feminina dils plaids. Per evaluar il pensum san las descripziuns vegnir prelegidas. Alla fin sa la scolasta dumandar il suandont:
| • | Tgei munta il plaid spezarias? |
| • | Daco drov'ins drovan ins spezarias? |
| • | Tgei spezarias dat ei? |
| • | Tgei gust san spezarias dar allas spisas? |
| • | Tgei ei vossa spezaria preferida? |
| 1. tomata | 3. mango | 5. ris |
| 2. ligiongia da barsar | 4. mèl d'aviuls | 6. caschiel |
Ils students teidlan ils legns davart las vivondas e nodan las sligiaziuns en ils caums. Sch'ils students erueschan buca la sligiaziun, sa la scolasta mintgamai dar in ulteriur tip.
Ils students san far quei pensum en lavur singula ni en gruppas da dus. Suenter ch'els han nudau il legn a scret, san els schar curreger il text dalla scolasta.
Idea:
registrar il legn sco audio e schar tedlar la gruppa
La scolasta prepara differentas vivondas sin tschaduns pigns. Ella metta las caussas en in liug, nua ch'ils students vesan buc ellas. In suenter l'auter astgan ils students ussa degustar ina caussa cun egls serrai/ ligiai. Suenter haver magliau la caussa, descrivan ils students mintgamai il gust e la consistenza dalla caussa cun agid dallas formulaziuns el cudisch (pensum E). Sch'il student ha enconuschiu la caussa ch'el ha magliau, sa el era descriver auters aspects da quella vivonda. Ils constudents teidlan e legnan da tgei caussa ch'ei setracta. Alla fin rispundan ils students allas damondas el cudisch.