Sligaziun

MISTREGN (ni era sco sinonim PROFESSIUN, CLAMADA)

Erklärung

Ils students teidlan las diesch construcziuns che descrivan adina pli e pli concretamein l'expressiun mistregn. Cura ch'in student manegia da saver la sligiaziun, s'annunzia el e fa sia proposta (tut tenor era per tudestg). Ei vegn tedlau vinavon e mintgin di alla fin cu ei ha fatg clic tier el/ella. Il model da copiar cun las construcziuns stat a disposiziun sco exempel, sch'ils students duein sezs scriver in legn da clic.

La scolasta fa attents ils students ch'ei dat treis expressiuns sinonimas per il tierm Beruf. L'expressiun clamada ha ultra da quei la muntada Berufung, ferton che mistregn ei quella che vegn el lungatg plidau duvrada il pli savens.

Erklärung

Ils students lavuran en gruppas da 2-4 persunas. La scolasta copiescha il memori (models da copiar) tenor il diember da gruppas, taglia ora las cartas e reparta ils sets da cartas allas gruppas. En gruppa emprovan ils students d'attribuir ils maletgs als dretgs plaids. La scolasta curregia il resultat dall'incarica. Silsuenter dattan ils students in memori da professiuns cullas cartas. 

Sligaziun

Erklärung

Ils students legnan tgei professiuns che las persunas descrivan. La scolasta explichescha plaids nunenconuschents e scriva els vid la tabla. 

Erklärung

Ils students legian las construcziuns ella tabella e fan ina crusch ella colonna, nua ch'ei corrispunda il pli fetg cun els sezs. Damondas da capientscha san els empruar da sligiar ella gruppa pintga ni cun agid dalla scolasta. Las lingias sutvart ella tabella cumpleteschan ils students cun atgnas activitads ni capacitads.

Sco evaluaziun prelegia la scolasta las singulas construcziuns ed ils students stattan sin peis, sch'els san rispunder cun 'gie' (la crusch en ina dallas duas davosas colonnas). Mintga student presenta ultra da quei ina dallas activitads ni capacitads ch'el/ella ha formulau sez/za. 

Erklärung

El plenum ni ella gruppa vegn encuretg ina professiun che va aprau bein cun mintga activitad ni capacitad suranumnada. Ils students nodan quella professiun sut la construcziun ella tabella dil pensum precedent.

Erklärung

Mintga student descriva ussa sez (sco ils affons els videos) sia professiun ni ina professiun che cumpara savens en sia famiglia. El/ella fa notizias en siu carnet da scriver e presenta silsuenter la professiun alla gruppa. La gruppa legna las professiuns e la scolasta noda vid la tabla tut las professiuns ch'ein aunc buca vegnidas menziunadas tochen da cheu en quei capetel.

Erklärung

Ils students empleinan la tabella cullas professiuns da lur confamigliars, amitgs ed amitgas e cumpleteschan la tabella cun duas ulteriuras persunas ord lur ambient. En gruppas da dus vegnan las tabellas cumparegliadas. Las damondas vegnan discutadas el plenum.

Erklärung

El plenum vegn fatg l'activitad dallas professiuns. In ni dus students/studentas vegnan davontier e miran encunter la gruppa. La scolasta copiescha il model (model da copiar) sin A3 e taglia ora las singulas professiuns. Silsuenter presenta(n) il(s) student(s) davontier mintgamai ina professiun alla gruppa, aschia che las persunas davontier vesan buca la professiun (per exempel cun tener ad ault il cedel davos il dies dils dus che stattan davontier). La gruppa fa sinquei moviments tipics per quella professiun (senza plaids e ramurs) e quels davontier emprovan da lignar. Ins sa midar las rollas suenter in pèr professiuns, aschia che mintga student astga inaga vegnir davontier e lignar. La scolasta noda las expressiuns romontschas dallas professiuns ch'ein buc aunc vegnidas tractadas vid la tabla. 

Erklärung

El plenum vegnan las damondas discutadas. Avon che la davosa damonda (Tgei levas ti daventar pli baul?) vegni tematisada, reparta la scolasta a mintga student in cedel, nua ch'ils students nodan tgei ch'els levan daventar pli baul. La scolasta rimna tut ils cedels e prelegia mintgin. El plenum vegn lignau tgi che leva daventar tgei.