A
Erklärung
La scolasta tschenta damondas che cuntegnan verbs modals. Ils students stattan sin peis, sch'els san rispunder alla damonda cun 'gie'. Las empremas tschun damondas ein obligatorias, damai ch'ellas ein part digl exercezi el cudisch. Las ulteriuras damondas san vegnir adattadas tenor giavisch.
Damondas:
• | Sas ti tschintschar bein engles? |
• | Astgas ti magliar tgei che ti vul? |
• | Vul ti ir en vacanzas sper la mar? |
• | Stos ti metter si spieghel per leger la gasetta? |
• | Pos ti far sport gia la damaun marvegl? |
• | Sas ti sligiar quens da procent? |
• | Astgas ti beiber alcohol? |
• | Vul ti adina ver raschun? |
• | Stos ti rir, cu enzatgi fa grimassas? |
• | Pos ti far si letg mintga di? |
• | Sas ti far la roda? |
Suenter l'activitad a bucca empleinan ils students mintga construcziun cun in num che va a prau. Silsuenter sa la scolasta tschentar las suandontas damondas.
• |
Quellas construcziuns cuntegnan tuttas in verb modal. Tgeinins ei quei? Rispostas: sa (= saver), astga (=astgar), vul (=vuler), sto (=stuer), po (=puder) |
• |
Tgei ein verbs modals e tgei expriman els? Risposta pusseivla: Verbs modals midan la muntada dil verb che suonda. Els expriman, sche enzatgei ei lubiu, giavischau, pusseivel ni necessari. |
• |
Cons verbs modals dat ei el tudestg e co senumnan els? Risposta: Ei dat sis verbs modals: 'dürfen', 'mögen', 'sollen', 'können', 'müssen' e 'wollen'. |
• |
Tgei suonda adina suenter in verb modal? Risposta: Ei suonda adina in verb egl infinitiv. Ellas construcziuns digl exercezi ei quei ils suandonts: tschintschar, dar, ir, gidar, far. |