La scolasta pren da mintga student ina ni pliras caussas ord igl etui e metta ellas sin siu pult. Silsuenter tegn ella ell'aria ina caussa suenter l'autra e damonda a tgi che quella caussa s'audi. Ils students pertuccai rispundan mintgamai alla damonda sco egl exempel.
Ils students sligian il pensum. Suenter che las rispostas ein vegnidas currigidas, sa la scolasta controllar il scazi da plaids cun differentas activitads:
| • | La scolasta muossa sin ina caussa e di per exempel 'Quei ei in rispli!'. Ils students san reagir a differenta moda tut tenor, sche la pretensiun constat ni buc (p.ex.: endretg: rir / falliu: mirar nausch). Sche la pretensiun ei fallida, sa in student curreger la construcziun e cuntinuar cun in'atgna pretensiun. |
| • | La scolasta muossa sin ina caussa e damonda: 'Tgei ei quei?' Ils students rispundan alla damonda. |
| • | La scolasta pren naven caussas dils students senza ch’els vesan e damonda mintgin: 'Tgei maunca a ti?' Ils students dattan risposta. |
Info grafica: integrar ils maletgs sper las numeras
|
1. il carnet |
6. il vocabulari |
11. la gezza |
16. il pult |
|
2. il rispli |
7. igl ordinatur |
12. la colur |
17. la sutga |
|
3. il gummi |
8. il fleter |
13. la cola |
18. la meisa |
|
4. la lingiala |
9. igl etui |
14. il fegl |
19. la tabla |
|
5. il turnister |
10. la forsch |
15. il canaster |
20. la cruna da cudischs |
| c) | sutga, turnister, pult, vocabulari, cruna da cudischs, cola, etui, fegl, canaster da pupi, gezza, forsch, ordinatur, fleter |
Ils students legian las construcziuns. Els san far las suandontas constataziuns:
| • | Las preposiziuns 'a' e 'da' vegnan colligiadas cugl artechel. |
| • | Ei dat sis differents artechels (il, igl, ils, la, l', las) e perquei era quater differentas cumposiziuns per mintga preposiziun. |
| • | 'Alla' e 'dalla' scrivan ins cun consonanza dubla. |
| • | La fusiun 'da + il' dat 'dil' e buca 'dal'. |
Pinavon sa la scolasta dumandar:
| • |
Dat ei era quella fusiun da preposiziuns ed artechels en auters lungatgs? Rispostas pusseivlas: |
| - |
Ei dat quella fusiun el talian (del, della, al, alla, ...). |
| - |
Era el lungatg franzos vegnan preposiziuns colligiadas cun artechels (du, des, au, aux, …). Las preposiziuns 'à' e 'de' vegnan denton buca colligiadas cugl artechel feminin (de la, à la). |
| - |
Era el tudestg vegn la preposiziun magari colligiada cugl artechel (von + dem = vom). |
La scolasta pren da mintga student ina ni pliras caussas e metta ellas amiez la stanza. Silsuenter tschenta in student ina damonda per anflar il possessur dalla caussa. El sa duvrar las duas variantas dil pensum D. Ils students formuleschan lur supposiziuns. Ei la supposiziun correcta, sa il student che ha tschentau la damonda dar anavos la caussa al possessur. Schiglioc va ei vinavon tochen che il dretg possessur ei vegnius numnaus. Il possessur sez astga separticipar al giug, sto denton dar ina risposta fallida el cass ch'el vess da vegnir dumandaus.
| La sutga s'auda all'Irina | Il turnister ei digl Enea. |
| La cola s'auda al Fabio. | Il vocabulari ei dalla scolasta. |
| La forsch s'auda agl Andri. | La gezza ei dall'Elina. |
| Igl ordinatur s'auda alla Sina. | Il fleter ei dalla Claudia. |
Ils students enqueran per mintga bustab digl alfabet (dano j, k, w, x, y) silmeins in plaid tier il tema 'scola'. Els fan quei gl'emprem en lavur individuala. Per anflar novs plaids san els duvrar il vocabulari ni dumandar la scolasta. Silsuenter vegnan ils plaids rimnai en classa. Quei sa vegnir fatg en differentas modas. Ils students san per exempel mintgamai presentar ils bustabs da lur num. La scolasta prepara in grond placat cugl ABC per nudar tut ils plaids numnai.
Rispostas pusseivlas:
A: attestat
B: baghetg, biblioteca, biologia
C: carnet, cola, cruna, cudisch, colur, classa, cantar
D: dumandar, declarar, dumbrar, discutar
E: etui, emprender
F: fleter, forsch, fegl
G: gummi, gezza, gruppa
H: husli, habilitad, hara
I: instrucziun, idea, inagain, interessant
L: lingiala, lecziun, leger, lungatg, lungurus
M: meisa, meinascola, matematica, mussar
N: nota
O: ordinatur
Q: quintar, qualitad
R: rispli, rispunder, rom, referat
S: scolast/scolasta, stanza, scutinar, scriver, studegiar
SCH: schanza
T: tabla, tagliar
TG: tgau
TSCH: tschintschar
U: urari
V: vocabulari, vacanzas
Z: zambergiar