La scolasta annunzia als students ch'els vegnien uss a tedlar ina canzun. Ella scriva il tetel dalla canzun 'Auguris' vid la tabla. Ils students emprovan d'eruir la muntada da quei plaid cun far punts tier auters lungatgs (p.ex talian: auguri). Els fan supposiziuns pertuccont il cuntegn dil text.
 |
Ils students empleinan la cruschera e nodan la sligiaziun 'canzun da natalezi' silla lingia. La scolasta damonda:
| • |
Tgei munta la sligiaziun? |
| • |
Tgei canzuns da natalezi enconuscheis vus? Risposta pusseivla: 'Happy birthday' da Stevie Wonder |
| • |
Tgei ei la pli enconuschenta canzun da natalezi? Risposta: Happy birthday to you |
| • |
Co va quella canzun per romontsch? Risposta: Sin natalezi tut bien |
La scolasta animescha la classa da cantar quella canzun communablamein.
 |
PLASCHERS, AVENTURAS, SUCCESS, ENERGIA, AMITGS, RUAUS, CLETG, BATTACOR, TEMPS, PEDA
Sin tiu natalezi giavischel a ti
che ti hagies en fatscha adin'in surrir
muments da ventira e da cletg
amitgs che han bugen tei fetg
bia temps per tei e per tes cars
ina mass'aventuras sur cuolms e mars
energia per dus, ina massa humor
e mintgaton in tec battacor
Lavur che fa plascher e buc stress
bia bunas ideas e bien success
Amur, carezia, sanadad
Radis da sulegl – buc mo la stad
Neginas fauldas en fatsch'e sil frunt
Semplamein bia cletg e mo il meglier dil mund.
Ils students cumpleteschan la poesia cun il scazi da plaids dils davos dus pensums.
 |
Ils students cumpleteschan la cruschera e nodan il plaid da sligiaziun 'conjugar'. La scolasta tschenta las suandontas damondas:
| • | Tgei munta conjugar? |
| • |
Co stat quei plaid en connex cullas sligiaziuns dalla cruschera? Risposta pusseivla: Ei setracta da verbs conjugai. |
| • |
Da tgei 'persunas' setracta ei? Risposta: 1.-3. persuna singular e plural |
| • |
Tgei finiziuns han las fuormas conjugadas en tut las persunas? Risposta: -el, -as, -a, -ein, -eis, -an |