Erklärung

La scolasta rimna ils students en in rudi. Enamiez il rudi schain ils cedels culs nums dallas fiastas/dils eveniments/dils meins (model da copiar). La scolasta (ni mintgamai in student) prelegia las informaziuns (model da copiar). Ils students ston mintgamai ir alla tscherca dall'expressiun che va aprau. Sche in student crei dad haver anflau il cedel culla dretga expressiun, cloma el 'stop' e prelegia l'expressiun. Ensemen vegn ei discutau, schebein la sligiaziun ei correcta. Ei quei il cass, astga il student salvar il cedel. Sche buc, va la tscherca vinavon entochen ch'enzatgi ha anflau la dretga sligiaziun. Silsuenter va ei vinavon culla proxima descripziun.

Sligaziun

c)

Daniev, tscheiver, Pastgas, di dalla mumma, 1. d'uost, catscha, Sontgaclau, Nadal

Erklärung

Per quella activitad drovan ins all'entschatta mo ils cedels culs nums dallas fiastas/dils eveniments (senza ils meins).

La scolasta ferma ina corda da circa 2 meters en stanza da scola. Ils cedels cullas descripziuns dallas fiastas/dils eveniments schain sin ina meisa en stanza da scola. Ils cedels culs nums dallas fiastas/dils eveniments vegnan reparti ulivamein sils students. Mintga student enquera la descripziun che va a prau cun sia fiasta/siu eveniment e ferma ils cedels cun in fermagl ina vid l'autra. Silsuenter penda mintgin ses cedels cun in murset vid la corda, aschia che la successiun dils eveniments/dallas fiastas enteifer igl onn constat. Cu tuts han posiziunau lur cedels, san las suandontas damondas vegnir discutadas en classa. Ils students nodan las fiastas/ils eveniments ella dretga successiun silla corda.

Alla fin san aunc ils meins vegnir aschuntai el dretg liug silla corda.

Idea:

Giugs da pantomima

Sligaziun

Sligiaziun: Cu has ti natalezi?

Erklärung

Ils students cumpleteschan las construcziuns e nodan mintgamai il bustab da sligiaziun el dretg liug. Els dattan silsuenter risposta alla damonda da sligiaziun 'Cu has ti natalezi?' Damai ch'els han buc aunc empriu da scriver datas per romontsch, san els mo nudar il meins da lur natalezi.

Duront quell'activitad reparta la scolasta a tut ils students in cedel da colur, sin il qual els san nudar lur num. Cu tut ils students han sligiau igl exercezi, vegn la damonda da sligiaziun prelegida el plenum. Mintga student dat risposta alla damonda, scriva il meins da siu natalezi sin in cedel e ferma quel el dretg liug vid la corda en stanza da scola.

En connex cun quell'activitad san ils suandonts temas vegnir tematisai:

Erklärung

A mintga student vegn taccau in cedel cun ina fiasta/in eveniment/in meins sil frunt. El sto uss eruir cun damondas che san vegnir rispundidas mo cun 'gie' ni cun 'na' da tgei fiasta/eveniment/meins ch'ei setracta. Ils students san far diever dallas formulaziuns ch'ein el carnet da lavur.

Erklärung

Per far l'activitad Datas dil cor fuorma la scolasta pèrs e reparta a mintga student treis cedels en fuorma da cor. Sin quels san ils students scriver mintgamai ina data che schai a cor ad els. Il partenari sto silsuenter lignar la muntada dalla data cun tschentar damondas che san vegnir rispundidas mo cun 'gie' ni 'na'. Ils students san tschentar las damondas cun agid dallas formulaziuns ch'ein nudadas el carnet da lavur. L'activitad ei alla fin cu in student ha lignau tut las muntadas.

Erklärung

Las suandontas damondas gidan a far la punt tiel proxim tema:

Sligaziun