WORK IN PROGRESS

Tgi eis ti?

A

Sligaziun

1. Veis vus era fom?    Na, nus vein gest magliau in toc TSCHUGALATA.
2. Jeu hai tema da tgauns Da miu TGAUN stos ti buca ver tema. El fa nuot.
3. Has ti era mintgaton mal il VENTER?       Gie, adina cu jeu sun nervusa.
4. Jeu sun oz aschi stauncla.        Eis stada en sortida ier SERA?
5. Miu bab ha 12 FARGLIUNS.         Wow, tgei gronda famiglia!        
6. Nus vein bugen BIZOCHELS.    Quels da mia tatta ein ils megliers.
7. Essas vus era fans da Helene Fischer?    Gie, ella ei ina buna CANTADURA.
8. Han tes affons era seit?     Gie, jeu stoi dar zatgei da BEIBER ad els.
9. Enconuschas ti sia SORA?       Gie, nus essan amitgas.
10. Daco eis ella vilada?       Ses AFFONS han fatg ina stucca.    
11. Daco eis ti TRESTA?  Miu gat ei buc turnaus a casa.
12. Danunder vegnan els?       Els ein AUSTRIACS.

 

La sligiaziun ei la suandonta: HAVER ED ESSER

Erklärung

Ils students teidlan ils differents dialogs cuorts ed empleinan las largias culs plaids sutvart. Sch'els fan quei correctamein, semuossa la suandonta sligiaziun: HAVER ED ESSER. Ei setracta cheu da verbs ch'ein fetg impurtonts per emprender il lungatg. Da principi eis ei verbs auxiliars. Ellas construcziuns cumparan els denton sco verbs per propi.

 

Verb per propi:

Jeu hai tema dil tgaun.

 

Verb auxiliar:

Jeu hai temiu il tgaun.

 

El plenum vegnan las damondas discutadas. Communablamein vegn empruau d'eruir la muntada dils plaids ch'ein vegni plazzai ellas largias. Ils students san presentar la muntada cun descriver, cun malegiar ni era cun mussar pantomimicamein.

 

Las suandontas damondas san vegnir tschentadas el plenum per controllar la capientscha dils plaids:

• Da tgei has ti tema?
• Has ti era magari mal il venter? Sche gie, pertgei?
• Cu vegnas ti vilaus/vilada?
• Da tgi essas vus fans?
• Cons fargliuns veis vus?
• Eis ti era ina cantadura/in cantadur?
• Has ti era bugen tschugalata? E bizochels?

C

Sligaziun

HAVER ESSER
jeu hai jeu sun
ti has ti eis
el/ella ha el/ella ei
nus (ha)vein nus essan
vus (ha)veis vus essas
els/ellas han els/ellas ein

E

Erklärung

En quei exercezi applicheschan ils students era la negaziun. Lezza ei denton sempla, ei vegn sulettamein aschuntau in buc ella construcziun.

 

Per controllar, sch'ils students san formular las construcziuns, sa la scolasta tschentar sco finiziun entginas damondas el plenum. Las suandontas damondas ein formuladas tuttina, sesurveschan denton d'in scazi da plaids in tec pli vast:

• Has ti in tgaun a casa?
• Eis ti Grischun/Grischuna?
• Ha zatgi natalezi il fevrer, igl avrel, il december?
• Tgi da nus ha dapli che 12, 30, 50, 70 onns?
• Tgi da nus ha in velo a casa?
• Tgi da nus ha tut cavels clars? E tgi ha egls brins?
• Tgi da nus ei fan da ballapei, da musica da rock, dils cuolms grischuns?

G

Erklärung

La scolasta copiescha il model e taglia ora ils singuls quaders culs nums. Ella tacca a mintga student in cedel vid il frunt, aschia che lez vesa buca tgei che stat scret sil cedel. Ussa ston tuts students empruar d'eruir tgi ch’els representan. Ins sa far quei exercezi el rudi, aschia che mintgin tschenta mintgamai ina damonda. Las rispostas dil plenum astgan denton mo esser 'gie' ni 'na'. Cun agid dallas damondas e rispostas san ils students lignar tgi ch'els ein. 

 

Ins sa era far quella activitad, aschia ch'ils students van per la stanza entuorn e damondan las persunas ch'els entaupan. Sch'els han anflau ora il num, tuornan els anavos en lur plazs.

 

Sch'enzatgi anfla buc il num dalla persuna sin siu cedel, sa la gruppa dar tips (p.ex. tier Roger Federer: Ti has ni vevas era inaga ina casa el Grischun).

 

En ina secunda runda san ils students scriver sezs nums da prominents sin cedels e taccar lezs a lur constudents vid il frunt.

Kopiervorlagen

Prominente