Sligaziun

In, dus, treis – las cauras ein perpeis.
Quater, tschun, sis – jeu magliel buca ris.
Siat, otg, nov – la vacca ei buc in bov.
Diesch, endisch, dudisch – il prer ha piars il cudisch.
Tredisch, quitordisch, quendisch – la gaglina stat sigl endisch.
Sedisch, gissiat, schotg – jeu giavischel ina buna notg.

Erklärung

Ils students emprovan da colligiar ils dretgs diembers (1. colonna) cul text dil verset (2. colonna) e culs maletgs (3. colonna) ch'expriman il cuntegn. Silsuenter teidlan els sco controlla dil pensum il verset ed emprendan ordadora el.

Sligaziun

Ils numerals ein ella Grammatica A1.

Erklärung

Per dar il giug schef, schef sesan ils scolars en in rudi. La scolasta decida tgi ch'ei il schef ed il vice e numerescha ils ulteriurs students in suenter l'auter naven dad 1 ensiviars.

Ils students sesan in sper l'auter tenor la valeta da lur posiziun. Ei regia la suandonta hierarchia: schef, vice, in, dus, treis, quater, tschun, eav. (tut tenor diember da scolars). La finamira dil giug ei da vegnir (ni restar) schef.

Ils students entscheivan il giug cun dar ensemen in ritmus che consista dalla suandonta sequenza da moviments:

Cu tut ils students han il ritmus entscheiva il schef. Cul moviment dil polisch dretg numna el l'atgna posiziun e cul moviment dil polisch seniester in'autra posiziun da quei giug. Sinaquei sto la persuna silla posiziun numnada cuntinuar la retscha cul proxim moviment dils polischs.

Exempel:

schef: «schef – dus»

dus: «dus – tschun»

tschun: «tschun – vice»

vice: «vice – siat»

...

Aschia va quei vinavon tochen ch'enzatgi fa in sbagl (buca dar sinzur, esser memia plauns, numnar fallida posiziun). La persuna che fa il sbagl sto ir silla davosa posiziun, tut tschels astgan ruschnar anavon e survegnan aschia era ina nova posiziun ch’els ston tener endamen per la proxima runda.

Sligaziun

vegn, ventgin, ventgasiat, trenta, trentadus, curonta, curontatreis, tschunconta, tschuncontaquater, sissonta, sissontatschun, siatonta, siatontasis, otgonta, otgontasiat, navonta, navontin, navontotg, tschien, tschienedin, tschienventgaquater, duatschien, melli, in milliun

Erklärung

La scolasta parta ils students en gruppas da dus e copiescha il model per mintga gruppa. Ils students taglian ora ils diembers ed ordineschan els tenor lur grondezia. El plenum vegnan silsuenter las suandontas damondas tematisadas:

Sco evaluaziun duein ils students seposiziunar en ina retscha ordinada tenor ils suandonts criteris:

Erklärung

El plenum vegn dau l'activitad hugo. Quella funcziuna sco suonda: Ils students seplazzeschan en in rudi. Ei vegn ussa dau avon in ritmus cun sblatschar inaga sillas combas ed inaga els mauns. Ils diembers vegnan detgs si in suenter l'auter, mintga student e studenta di mintgamai in, cura ch'ei vegn sblatschau sillas combas. Tier tut ils diembers che vegnan screts cun silmeins in da 7 ni ch'ins sa parter tras 7 vegn detg enstagl dil diember il plaid hugo (pia 7, 14, 17, 21, 27, 28, ...). Il student ni la studenta che fa in sbagl croda ora. L'activitad ei a fin, cura ch'il diember da 100 ei vegnius contonschius senza ch'enzatgi hagi fatg in sbagl. 

Suenter ina runda el plenum sa la classa era vegnir partida si en gruppas che dattan il giug ensemen. Ins sa lu era midar, aschia che buc il da 7 vegn pronunziaus sco 'hugo', mobein in auter diember (5, 6, 8, 9). Pli pigns ch'il diember ei e pli grev ch'igl ei. Tgei gruppa damogna sco emprema tochen 100 senza far in sbagl?

Erklärung

Ils students empleinan il legn cruschau culs diembers corrispundents. Silsuenter formuleschan els sezs duas damondas el medem stil, nua ch'in diember ei tschercaus. Quellas damondas san vegnir prelegidas el plenum.

Sligaziun

Sligiaziun cruschera Cefras, cefras, cefras:

1. Cons cussegliers federals vein nus en Svizra? SIAT

2. Cons grads ei la summa da grads en in trianghel? Tschien... OTGONTA

3. Cons cantuns ha la Svizra? VENTGASIS

4. Tgei cefra ha nov nullas? MILLIARDA

5. Cons lungatgs ufficials vein nus el Grischun? TREIS

6. Tgei ei la numera postala dil marcau da Cuera?  SIATMELLI

7. Cons meins ha in onn? DUDISCH

8. Quater ga dus fa ...? OTG

9. Tschun plus diesch dat ...? QUENDISCH

10. Contas cartas ha in giug da troccas? SIATONTOTG

11. Cons quadrats ha ei sin ina tabla da schah? Sissonta... QUATER

12. Cons dents ha ina persuna carschida? TRENTADUS

13. Cun cons onns vegnan ins pensiunaus/pensiunada? Sissonta... TSCHUN

14. Cun cons onns astgan ins votar en Svizra? SCHOTG

Erklärung

Ei vegn dau in quiz el plenum. La scolasta prelegia mintgamai ina damonda ed ils students schazegian in diember sco risposta. Il student che ha schazegiau il meglier, survegn mintgamai in punct. Gudignau ha quel/quella che ha alla fin ils pli biars puncts, el/ella survegn in pign premi. 

Damondas da schazetg:

Varianta: dar il giug en duas gruppas; ils students han la pusseivladad da discutar en gruppa la proposta da schazetg

Sco finiziun sa mintga student formular sez ina damonda da schazetg e presentar quella damonda en classa. Ils students san era prender cun els zatgei ch'ils auters han da schazegiar (p.ex. ina scatla da zulprins, ina cuppa cun tschugalatas, in migiel cun macaruns, in maletg cun si pliras gadas la medema fotografia).

Idea: crear in quiz da classa cun tut las damondas da schazetg e schar sligiar quei quiz entginas persunas ord igl agen ambient (sco pensum da casa)

Erklärung

Per exercitar ed udir co ils diembers vegnan pronunziai, vegn dau ina ni pliras rundas bingo. La scolasta reparta a mintga student ina ni era pliras cartas da bingo (model da copiar). Ord in satget tila la scolasta tenor schabetg ils diembers ed ils students cuvieran quels diembers ch'els anflan sin lur carta(s) cun in fegliet. Ei dat era differentas apps, nua ch'ins sa schar trer ora tenor schabetg ils diembers dad 1-90.

Igl emprem/l'emprema che ha cuvretg in'entira lingia cun fegliets astga clamar «bingo» e survegn lu in pign premi. Il medem succeda, cura che igl emprem/l'emprema ha cuvretg duas lingias ed ina entira carta. Sco premis sa la scolasta organisar enzatgei dultsch ni schiglioc in pign regal. 

Erklärung

Ils students fan ussa sin mintga cedel da lotto sis cruschs (model da copiar). Els teidlan silsuenter ils diembers ch'ein vegni tratgs ora e nodan dasperas cons diembers ch'els han tuc. Sch'enzatgi ha dapli che treis diembers corrects, lu survegn el in pign premi che la scolasta ha organisau ordavon.