WORK IN PROGRESS

La moda

A

Erklärung

Ils students legian l'intervista in gruppas da duos. Els fan quai dad ot e cun müdar giò. Cun agüd da la magistra prouvan els d'incleger il cuntgnü. La magistra po lura controllar cun far dumondas, sch'els han inclet il cuntgnü. Scha'ls students sun perinclets cullas constataziuns da la magistra, stan els sü.

• Manuela Gobetti-Lutz es üna Sursilvana. (güst)
• Ella viva daspö blers ons giò la Bassa. (güst)
• Manuela Gobetti-Lutz es impiegada d’üna gronda firma da moda. (fos)
• Ella fa büschmainta seguond masüra. (güst)
• Manuela Gobetti-Lutz creescha impustüt büschmainta per homens. (fos)
• Ella ha creà la collecziun da büschmaints da saira per la concurrenza da Miss Svizra 2018. (güst)
• Ella guarda, ingio e co cha las tailas sun gnüdas prodottas. (güst)
• Tenor Manuela Gobetti-Lutz daja fich bleras persunas chi vöglian lavurar sco cusunzas. (fos)

B

Erklärung

Ils students implischan l'ingiavinera da pleds cruschats cun agüd da l'intervista e dal vocabulari. Il pled da soluziun muossa il manster da Manuela Gobetti-Lutz. Ils students discutan, sch'els cugnuoschan a persunas cun quel manster e sch'els pudessan s'imaginar d'esser o dvantar creaturs o creaturas da moda.

C

Sligaziun

  Manuela Gobetti-Lutz
Che manster ha Manuela Gobetti-Lutz? E tü? Manuela Gobett-Lutz ha fat ün giarsunadi da cusunza ed es uossa creatura da moda.
Perche ha ella tschernü quel manster? E tü? Ella ha adüna disegnà jent, ed eir las lavurs manualas tilla han fascinada.
Cun che material lavura ella? E tü? Ella lavura jent cun materials natürals sco lana e saida. Ma eir il glin es ün material chi'tilla plascha.
Che plascha ad ella specialmaing bain vi da sia lavur? E che plascha a tai? Ella lavura fich jent cun differents materials e'l contact culla cliantella tilla plascha. Ella ha gust da verer chi s'ha creà alch e chi's po far ün plaschair a la cliantella.
Che sfidas vezza ella in seis minchadi? E tü? Id es difficil da chattar a persunas chi vöglian lavurar sco cusunzas. La producziun in Svizra cuosta. La sfida es da chattar üna nischa per tgnair püt a la gronda industria da moda.
Che lioms ha ella culla Rumantschia? E tü? Sia famiglia viva a Rabius ed ella fa suvent visitas a sia stretta patria. Eir ils contacts cullas collegas rumantschas sun impurtants per ella.

Erklärung

Ils students implischan il prüm la tabella cullas respostas davart Manuela Gobetti-Lutz. Lura notan els lur aignas respostas e discutan quellas cun lur vaschin o vaschina.

 

Ils students discutan las seguaintas dumondas in classa:

• Chi ha eir ün manster, ingio cha'l material es fich important?
• Chi ha eir ün manster, ingio chi'd es difficil da chattar a persunas specialisadas?
• Che as plascha specialmaing bain vi da vos manster?
• Che sfidas daja in vos manster?
• Che lioms vais vus culla Rumantschia?

D

Sligaziun

Soluziun pussibla:

romantic/dutschin: fluors, sgiaglià, ballarinas, muostras, rösa, sandalas, schocca lunga e

legant/festiv: s-charpas cun tachs, brastoc, tschop, büschmaint, cravatta, nair, blau s-chür, schocca lunga

formal/business: tschop, büschmaint, cravatta, nair, blau s-chür

sportiv/cumadaivel: s-charpas da gimnastica, chapütscha, jeans, chotschas cuortas

Erklärung

Ils students fan l'exercizi e discutan las soluziun pussiblas in classa. Per finir po la classa provar d'attribuir a mincha singul student ün stil da's vestir, quai adüna cun argumantar la decisiun. Quist'actività fa la punt a l'ultima lezcha.

E

Erklärung

Ils students discutan las dumondas in duos. Per finir po mincha gruppa preschantar üna resposta a la classa.