Sligaziun

1. giacca,  2. blusa, 3. t-shirt, 4. schal, 5. büschmaint, 6. chapütscha 

Erklärung

Sco introducziun po la magistra preleger frasas cha'ls students pon confermar cun star sü. Sch'üna frasa nu tuorna per els, restan els tschantats.

Ils students taidlan ils dialogs (models da copchar) e notan sper mincha purtret il nomer dal dialog correspundent.

Sligaziun

Erklärung

Las differentas culurs vegnan prelettas in classa. Lura fan ils students la punt ad otras linguas e discutan insembel las seguaintas dumondas:

Lura taidlan ils students amo üna jada ils dialogs e notan adüna il nomer dal dialog sper las culurs ch'els dodan.

Sligaziun

giacca: blaua; blusa: verd clera; t- shirt: cotschen, gelg, verd, orandsch, pinc, nair; schal: verd orandsch (muostra); büschmaint: gelg cun fluors violettas; chapütscha: naira, alba, grischa, cotschna, orandscha, gelgua, blaua, verda, pinca, (puncts) blaus e brüns

Erklärung

Ils students taidlan üna terza jada ils dialogs e culurischan ils büschmaints da la lezcha A cullas culurs correspundentas.

Erklärung

Ils students implischan las loccas.

Sligaziun

Ich kaufe eine braune Mütze.

Wo ist meine gelbe Jacke?

Ich suche ein Paar grüne Hosen.

Steht mir dieses rote T-shirt?

Was meinst du zu diesem orangen Pullover?

Dieser blaue Mantel passt gut zu deiner Bluse.

Ich trage immer schwarze Socken.

Dieser violette Rock steht dir gut.

Erklärung

Ils students tradüan las frasas in tudais-ch.

Lura discuta la magistra las differenzas culla classa. La differenza chi dà in ögl in tuot las frasas es la posiziun da l'adjectiv (culurs) chi stà in vallader adüna davo il nomen. Tscherts adjectivs (impustüt adjectivs cuorts) vegnan miss per regla davant il nomen (p.ex.: il prossem exercizi, ün cler muossamaint, e.u.i.), oters adjectivs ston in mincha cas star davant il nomen (p.ex.: ün bel di, üna bella matta, bell'ora/trid'ora, üna bun'idea, e.u.i.). Ils students legian il memo grammatical davart la posiziun da l'adjectiv.

Sligaziun

Plaid da soluziun: DA TUOTTAS CULURS

Erklärung

Per introdüer e repeter las fuormas regularas ed irregularas dals adjectivs feminins po la magistra far dumondas davart las culurs da chosas chi's rechattan in stanza da scoula o da la büschmainta da las studentas e dals students, p.ex.: Che culur ha la tabla da paraid?. / Che culur ha la giacca da Selina?. Ils students respuondan a las dumondas cun far üna frasa cumpletta, p.ex.: La tabla da paraid es naira. / La giacca da Selina es cotschna., e.u.i.

Lura fan ils students l'ingiavinera da pleds.

Davo avair let la frasa da soluziun, po la magistra laschar nomnar als students las chosas chi sun sgiagliadas (p.ex.: l'arch in tschêl/l'arch San Martin, ün püschel fluors, ün spler, il papagagl, ün purtret, ...).

Idea:

Per exercitar ed approfundir las culurs po la magistra laschar far a la classa il gö 'Eu vez alch cha tü nu vezzast'. Ella cumainza il gö cun dir per exaimpel: 'Eu vez alch cha tü nu vezzast, e quai es blau'. Ils students ingiavinan lura ün davo tschel da che chi's pudess trattar. Sch'ün student o üna studenta ha ingiavinà inandret, po el/ella cuntinuar a far ün'aigna frasa tenor il model survart.

Erklärung

Ils students taidlan amo üna jada tuot ils dialogs.

Lura scrivan els las frasas illa dretta colonna da la tabella. Per finir cumpletteschan els la tabella cun adüna duos otras frasas ch'els han dudi i'ls dialogs o ch'els han formulà svess.

Erklärung

Ils students tschernan in gruppas da duos o da trais üna situaziun per elavurar ün dialog. Siond ch'els ston preschantar plü tard lur dialog a la classa, tils fa la magistra attent da tscherner üna situaziun adattada a la grondezza da la gruppa.

Lura scrivan ils students lur dialog sün ün fögl separà e til laschan correger da la magistra.

Erklärung

Ils students exerciteschan lur dialog. La magistra observa e corregia, schi fa dabsögn.

Davo mincha preschantaziun pon ils constudents dar ün cuort resun a la gruppa. La magistra fa las seguaintas dumondas: