Sligaziun

Erklärung

Ils students fan l'exercizi in lavur individuala. Ils resultats vegnan controllats in classa e davo mincha pled vain la chosa pakettada oura e missa sün maisa. A la fin vain la dumonda suotvart respusa in classa, e las ingredienzas e'ls utensils chi restan vegnan miss sün maisa, per cha tuot saja pront per cuschinar. La magistra po formular la dumonda e’ls students respuondan seguaintamaing:

«Las furchettas mancan amo.»

«Eu n'ha amo tut cun mai serviettas.»

Sligaziun

Il plural vain fuormà cun agiundscher ün -s al nomen feminin e masculin. Be ils nomens chi finischan cun -s o cun -ss nu survegnan ün ulteriur -s al plural (sco p.ex. il nas – ils nas, il pass – ils pass). La fuormaziun dal plural es sumgliainta in frances, ingio chi s'agiundscha eir ün -s als nomens (chi nu vain però pronunzchà). In tudais-ch daja plüssas fuormas dal plural, quai chi fa chi'd es greiv d'imprender quellas fuormas (p.ex. Wort – Wörter, Hund – Hunde, Frau – Frauen, Auto – Autos, Schimmel – Schimmel, e.u.i.).

Erklärung

Ils students pondereschan, co cha la fuormaziun dal plural funcziuna in vallader. Els tscherchan in duos ils plurals regulars ed irregulars dals pleds notats. La soluziun vain discusa in classa. Insè es la fuormaziun dal plural in vallader plü simpla co per exaimpel in tudais-ch. Per regla vain agiunt ün -s tant a pleds feminins sco masculins. Illa lezcha c) pon ils students notar pleds da las lecziuns precedaintas chi pretendan üna fuorma irregulara dal plural. Quels ston gnir memorisats, uschè chi fa sen da tils visualisar e repeter adüna darcheu.

Sligaziun

Sligaziun

Erklärung

Ils students scumpartan las lavurs tanter pêr. Tschertas lavurs as laschan eir cumbinar, per otras as douvra plü löch. La magistra sustegna als students linguisticamaing cun notar formulaziuns chi's douvra per far migluns vi da la tabla. Davo cha tuot las lavurs sun fattas, as mettan tuots a maisa e mangian il trat cuschinà.

Sligaziun

Il Plain in pigna es stat fich bun, gustus e delizchus.

Il Plain in pigna es stat ün pa süt e savaiva da pac.

Il plü jent n'ha eu gnü la mösa da maila.

La prosma jada stögl eu brassar plü lönch il Plain in pigna.

La prosma jada invid eu a tuot la famiglia ad insajar meis Plain in pigna.

La prosma jada fetsch eu il Plain in pigna precis listess.

Cuschinar es per mai recreaziun / ün stress / ün stuvair / ün plaschair.

Ün'otra specialità culinarica ch'eu less far es fratemf da tschiervi, migluns, bizoccals, peschs e tuorta da nuschs.

Erklärung

Ils students dan ün resun in connex cul process da cuschinar, ma eir in connex cul Plain in pigna svess. Els prouvan il prüm da formular il resun in lavur individuala, lura preschaintan els lur resultats in classa. La magistra ramassa vi da la tabla expressiuns chi güdan ad exprimer l'impreschiun chi s'ha gnü cun far il Plain in pigna.

Erklärung

Ils students legian las frasas e formuleschan la dumonda, p.ex.: frasa: Tschercha ad inchün chi ha üna bocca fina; dumonda: Hast tü üna boccà fina? Lura stan els sü e fan ün gir tras la stanza da scoula. Els fan las dumondas a lur constudentas e constudents. Sch'ün dad els/ellas po respuonder cun 'schi', po il student chi fa la dumonda notar davovart il nom da quella persuna. Tuot tenor il nomer da students po la magistra pretender ch'ün nom das-cha cumparair adüna be üna o duos jadas sül fögl. Cur cha'ls students han chattà per mincha dumonda ad üna persuna chi ha pudü respuonder cun 'schi' a la dumonda, tuornan els a lur plazza. Sco evaluaziun po la magistra far amo üna jada las dumondas e'ls students pertocs (quels chi vaivan savü respuonder cun 'schi') stan sü. Pro mincha dumonda pudess la magistra far implü ün'ulteriura dumonda (p.ex. Schi che nu't gustess, scha tü vessast üna boccà fina?).

Proposta: Tü hast/Vus vais üna bocca fina. Che specialità es tenor tai/vus la plü raffinada e perche? 

Per finir pon ils students barattar lur tips per buns restorants o eir as cunvgnir dad ir insembel a mangiar in ün restorant.

Remarcha:

In quist mingle cumparan eir expressiuns chi fan part da l'exercizi d'approfundimaint. Per cas cha quel nu füss gnü scholt da tuot ils students, stuvess la magistra declerar las expressiuns avant il mingle.