La magistra piglia üna o plüssas chosas our da l'etui da mincha student e tillas metta sün seis pult. Lura tegna ella sü üna chosa davo tschella e dumonda da chi cha quella chosa saja. Ils students pertocs respuondan adüna a la dumonda sco i'l exaimpel.
Ils students fan la lezcha. Davo cha la magistra ha corret las respostas, po ella controllar il s-chazi da pleds cun agüd da differentas activitats:
| • | La magistra muossa sün üna chosa e disch per exaimpel 'Quist es ün rispli!'. Ils students pon reagir in different möd, tuot tenor, scha la pretaisa es güsta o fosa (p.ex. güst: rier / fos: verer da quai nosch). Scha la pretaisa es fosa, po ün student correger la frasa e cuntinuar cun ün'aigna pretaisa. |
| • | La magistra muossa sün üna chosa e dumonda: 'Che es quai?' Ils students respuondan a la dumonda. |
| • | La magistra piglia davent chosas dals students, sainza cha quels badan e dumonda a minchün: 'Che at manca?' Ils students respuondan a la dumonda. |
Info grafica: integrar illustraziuns sper las numeras
|
1. il quadern |
6. il dicziunari |
11. il pizzarisplis |
16. il pult |
|
2. il rispli |
7. l'ordinatur |
12. la culur |
17. la sopcha |
|
3. la gomma |
8. il fieuter |
13. la colla |
18. la maisa |
|
4. il linger |
9. l'etui |
14. il fögl |
19. la tabla |
|
5. la buscha da scoula |
10. la forsch |
15. la chavogna da palperi |
20. la curuna da cudeschs |
| c) | sopcha, buscha da scoula, pult, dicziunari, curuna da cudeschs, colla, etui, fögl, chavogna da palperi, pizzarisplis, forsch, ordinatur, fieuter |
Ils students legian las frasas. Els pon constatar il seguaint:
| • | Las preposiziuns 'a' e 'da' vegnan colliadas cul artichel determinà masculin al singular e plural (al, als; dal, dals). Quistas colliaziuns vegnan eir nomnadas fusiuns o contracziuns. |
| • | Davant ün nomen chi cumainza cun ün vocal survegnan las preposiziuns 'a' e 'da' ün d ('ad/dad'), la preposiziun 'da' po in quels cas eir gnir apostrofada ('d''). |
| • | Las preposiziuns 'a' e 'da' nu vegnan però colliadas cul artichel feminin al singular e plural (a la, a l', a las; da la, da l', da las). |
| • | I dà ses differents artichels determinats (il, l', ils, la, l', las) e perquai eir ses differentas cumposiziuns per mincha preposiziun (dal, da l', dals; da la, da l', da las). |
Implü po la magistra dumandar als students:
| • |
Daja fusiuns da preposiziuns ed artichels determinats eir in otras linguas? Respostas pussiblas: |
| - |
I dà talas fusiuns in talian (del/dell'/dello/dei/degli, della/dell'/delle, dal/dall'/dalle; al/all'/allo/ai/agli, alla/all'/alle). |
| - |
Eir in frances vegnan preposiziuns colliadas cun tscherts artichels determinats (du, des, au, aux). Las preposiziuns 'à' e 'de' nu vegnan però colliadas cul artichel feminin al singular (à la, de la). |
| - |
Ed eir in tudais-ch vegnan colliadas tschertas preposiziuns cul artichel (p.ex.: von dem = vom, zu dem = zum, zu der = zur, bei dem = beim, auf das = aufs, in dem = im, in das = ins). |
La magistra piglia üna o plüssas chosas da mincha student e tillas depuona immez la stanza da scoula. Lura fa ün dals students üna dumonda per chattar il possessur da la chosa. El po dovrar las duos variantas da la lezcha D. Ils students formuleschan lur supposiziuns. Scha la supposiziun es güsta, po il student chi ha fat la dumonda dar inavo la chosa al possessur. Cas cuntrari cuntinuescha l'actività, fin cha'l dret possessur es gnü nomnà. Il possessur svess das-cha as partecipar al gö, el sto però dar üna fosa resposta, sch'el vess da gnir dumandà.
| La sopcha tocca a la magistra. | La buscha da scoula es da la scolara. |
| La colla tocca al bap. | Il dicziunari es dal magister. |
| La forsch tocca a l'ami. | Il pizzarisplis es da l'amia. |
| L'ordinatur tocca a l'inspecter. | Il fieuter es da la vaschina. |
Ils students tscherchan per mincha custab da l'alfabet (cun excepziun da k, w, x, y) almain ün pled in connex culla 'scoula'. Els fan quai il prüm in lavur individuala. Per chattar nouvs pleds pon els dovrar il dicziunari o dumandar a la magistra. Lura vegnan ramassats ils pleds in classa. Quai po gnir fat in differentas manieras. Ils students pon per exaimpel preschantar ils custabs da lur agen prenom. La magistra prepara ün grond placat cul ABC per notar tuot ils pleds nomnats.
Respostas pussiblas:
A: attestat, abilità, ami, amia, amulain, avair
B: biblioteca, biologia, büro, buscha da scoula
C: colla, curuna, cudesch, culurs, classa, chantar
D: dumandar, dumonda, declerar, dombrar, discuter, discuorrer, dialog, dicziunari
E: etui, esser, excellent
F: fieuter, forsch, fögl
G: gomma, gruppa
H: hom, hotel, hoz, her, hobi
I: instrucziun, idea, imprender, interessant
L: linger, lecziun, leger, lingua, lezcha, lungurus
M: magistra, maisa, mainascoula, matematica, muossar
N: nota, nöglia/nüglia, na, nu/nun
O: ordinatur, oget, original
P: pult, palperi, posa, preschantar, pitturar, pizzarisplis
Q: quintar, qualità, quints
R: rispli, respuonder, resposta, rom, referat
S: scoula, scolar, scolara, stanza da scoula, scuttar, scriver, stübgiar
SCH: schanza
T: tabla, trais
TSCH: tschantar
U: urari, ura, uffant, unic
V: vocabulari, vacanzas, viz
Z: zambriar, zurplin