WORK IN PROGRESS

Da l'India in üna famiglia adoptiva – viadis aint il cheu

A

Sligaziun

Il tema da la baderlada filosofica culla poetessa ed autura Gianna Olinda Cadonau es il 'scriver sco viadi aint il cheu'. Per ella sun poesias ed istorgias il resultat da viadis aint il cheu. Viadis aint il cheu sco stadi natüral da mincha uman. Cha mincha istorgia cha nus quintan saja insè ün viadi aint il cheu, disch l'autura. In sias poesias rumpa ella, tenor l'agen dir, suvent cul muond real e parta in viadi in ün muond imaginari, in üna realtà imaginada. Quant inavant cha quel sentimaint da far viadis cun scriver poesias ha da chefar cun sia aigna biografia sco orfna creschüda sü in ün muond tuot oter co quel da sia naschentscha a Panaji in India, savess be ella da dir ...

Erklärung

La magistra cumainza la lecziun culla seguainta dumonda: T'imaginescha cha tü vessast peida e'ls raps da scriver ed edir ün cudesch. Che gener litterar tschernissast tü e sur da che scrivessast tü ün cudesch? Ils students preschaintan lur ideas e propostas in classa, la magistra nota las tematicas chi vegnan expressas vi da la tabla. Lura taidlan ils students l'emischiun da radio e prouvan d'incleger, co cha Gianna Olinda Cadonau, nada dal 1983 a Panaji in India, tscherna tematicas per sias poesias ed istorgias. Els notan trais chosas ch'els dodan illa contribuziun e discutan insembel che cha las expressiuns significhan. Lura filosofeschan els davart l'impissamaint cha 'scriver es sco far viadis aint il cheu'.

 

Las seguaintas dumondas pon animar e sustgnair la discussiun: 

• Che es il tema da la baderlada filosofica cull'autura engiadinaisa Gianna Olinda Cadonau? 
• Che respuonda l'autura a la dumonda, sch'ella, sco liricra, saja üna guida da viadi? 
• Perche sta il pensar da Gianna Olinda Cadonau in stret connex cul viagiar? 
• E co staja cun voss viadis aint il cheu? Che importanza han viadis in voss cheus? 
• Che significhan las seguaintas expressiuns: pensar, abiltà, stadi natüral 
• Tradüa il titel da l’emischiun da radio: 'Il pensar svess es fingià far viadis aint il cheu'. 

B

C

Erklärung

Ils students legian sulets o in gruppas da duos ün dals tschinch extrats (models da copchar). Els prouvan d'incleger il cuntgnü cun agüd da vocabularis e da la magistra e formuleschan per sai ün riassunt dal cuntgnü ch'els lessan preschantar in classa. Els pon far quai in scrit e lura preleger o eir raquintar libramaing lur riassunt. La magistra nota dürant las preschantaziuns pleds importants vi da la tabla per güdar als students d'incleger il cuntgnü. 

 

Per conclüder pon ils students discuter las seguaintas dumondas: 

• Che as poja dir davart l'adopziun d'uffants d'oters pajais o perfin d'oters continents e d'otras culturas? 
• Che tematica centrala cumpara in tuot ils tschinch extrats? 
• Gessast eir tü sco Gianna Olinda Cadonau in tschercha da teis genituors biologics? Perche (na)? 

Kopiervorlagen

Textauszüge

E

Erklärung

Ils students formuleschan sulets o in gruppas da duos trais dumondas ch'els pon far ad üna persuna adoptada dal lö o da la regiun. La magistra corregia las dumondas, uschè cha quellas sun prontas per l'intervista. Sco lezcha da chasa fan ils students lura üna cuorta intervista cun üna persuna adoptada. Els mainan las respostas da quella persuna in classa, saja quai cun resümar las respostas cun agens pleds, cun far üna registraziun d'audio o video o eir in ün'otra fuorma.