A
Sligaziun
| P | E | R | S | U | N | A | S |
| I | P | L | P | U | R | A | F |
| Z | T | I | A | R | T | R | L |
| S | L | S | S | R | E | G | Ü |
| L | A | I | S | U | L | A | M |
| L | I | N | G | U | A | S | S |
| C | H | A | N | T | U | N | S |
| C | I | T | A | D | S | R | S |
1. La Svizra ha 26 chantuns.
2. La Svizra ha 4 linguas naziunals: tudais-ch, frances, talian e rumantsch.
3. In Svizra discuorran var 60'000 persunas rumantsch.
4. In Svizra esa 6 citads cun daplü co 100'000 abitantas ed abitants.
5. La Svizra percuorran 8 flüms chi sun plü lungs co 100 km.
6. In Svizra esa 79 lais chi sun plü gronds co 0.5km².
7. In Svizra esa quatter societats da radio e televisiun. La plü pitschna vain abreviada cun rtr.
8. In Svizra esa 48 pizs chi sun plü ots co 4000 m.
9. In Svizra esa var 120 pass. Üna gronda part da quels sun in Grischun, per exaimpel l'Alvra e l'Umbrail.
Co vegnan fuormats ils plurals regulars?
Il plural regular vain fuormà cun agiundscher ün -s a la fuorma dal singular.
Exaimpels: il chantun – ils chantuns; la stailas, las stailas
Eir ils nomens chi finischan cun ün -x o cun ün -z survegnan ün -s al plural.
Exaimpels: il trax, ils traxs; il raz, ils razs
Ils nomens chi finischan cun ün -s o cun -ss nu survegnan ün ulteriur -s al plural.
Exaimpels: il nas, ils nas; il pass – ils pass
Erklärung
Ils students legian las frasas, tscherchan ils pleds chi mancan illa salata da custabs e tils notan sülla lingia. Lura scrivan els tuot ils custabs chi restan illa dretta successiun süllas duos lingias da soluziun, uschè ch'els pon leger la dumonda 'Co vegnan fuormats ils plurals regulars?'.
La magistra po manar la discussiun fond las seguaintas dumondas:
| • | Che ha quella dumonda da chefar culla lezcha? |
| • | Che es la resposta a la dumonda da soluziun? |
| • | Che excepziuns chattais vus tanter ils exaimpels? |
| • | Che capita cun pleds chi finischan cun ün 'x' o ün 'z'? |
| • |
Che implichescha il pled 'regular'? Resposta: Id existan eir fuormas irregularas dal plural. |
La magistra nota la regla e l'excepziun vi da la tabla. Ella declera chi'd existan eir fuormas irregularas dal plural chi nu vegnan però amo trattadas in quist'unità.
Idea:
Ils students ramassan infuormaziuns davart ün oter pajais, ün oter chantun o ün'otra regiun e scrivan frasas sumgliaintas. A la fin preschaintan els cuortamaing il tema ch'els han tschernü. Ils students ingiavinan da che pajais/chantun/regiun chi's tratta.
Ils students notan la regla dal plural regular e l'excepziun. Implü scrivan els adüna ün exaimpel adattà süllas lingias.