Erklärung

La magistra ramassa ils students in ün rinch. Immez il rinch as rechattan ils scrittins culs noms da las festas/dals evenimaints/dals mais (model da copchar). La magistra (o adüna ün dals students) prelegia las infuormaziuns (model da copchar). Ils students ston lura ir in tschercha da l'expressiun chi's cunfa culla descripziun. Sch'ün student craja d'avair chattà il scrittin culla güsta expressiun, cloma el 'stop' e prelegia l'expressiun. Ils students discutan insembel, scha la soluziun es correcta. Scha quai es il cas, das-cha il student chi ha ingiavinà inandret salvar il scrittin. Cas cuntrari tscherchan ils students inavant la güsta soluziun, fin ch'inchün tilla ha chattada. Lura cuntinuescha l'exercizi culla prosma descripziun.

Sligaziun

Erklärung

Per quist'actività voula ll prüm be ils scrittins culs noms da las festas/dals evenimaints (sainza ils mais).

La magistra tenda üna corda da circa 2 meters lunghezza in stanza da scoula. Ils scrittins cullas descripziuns da las festas/dals evenimaints as rechattan sün üna maisa in stanza da scoula. Ils scrittins culs noms da las festas/dals evenimaints vegnan scumpartits als students in parts egualas. Mincha student tschercha la descripziun chi's cunfa cun sia festa/seis evenimaint e fixescha ils scrittins cun ün clupper ün vi da tschel. Lura penda minchün seis scrittins cun ün clupper vi da la corda, uschè cha la successiun da las festas/dals evenimaints dürant l'on tuorna. Cur cha tuots han posiziunà lur scrittins, pon ils students discuter las seguaintas dumondas in classa. Els notan las festas/ils evenimaints illa detta successiun vi da la corda.

A la fin pon ils students amo agiundscher ils mais al dret lö vi da la corda.

Idea: 

Gös da pantomima

Sligaziun

1. Nadal vain festagià in december. 

2. La chatscha cumainza in settember. 

3. Tschaiver es in favrer. 

4. Büman vain festagià in schner. 

5. Venderdi sonch vain commemorà in marz. 

6. Il di da la mamma vain festagià in mai. 

7. Il di da la festa naziunala svizra es in avuost. 

8. Pasqua es suvent in avrigl. 

9. La stà cumainza in gün.

10. Ils paurs fan cul fain in lügl. 

11. La festa da la racolta a Valchava es in october. 

Soluziun: Cura hast tü anniversari?

Erklärung

Ils students cumpletteschan las frasas e notan adüna il custab da soluziun al dret lö. Els respuondan lura a la dumonda da soluziun 'Cura hast tü anniversari?'. Siond ch'els nun han amo imprais a scriver datas in vallader, pon els be notar il mais da lur anniversari. 

Dürant quistactività scumparta la magistra a tuot ils students ün scrittin da culur, sül qual els pon notar lur nom. Cur cha tuot ils students han fat l'exercizi, vain preletta la dumonda da soluziun in classa. Mincha student respuonda a la dumonda, scriva il mais da seis anniversari sün ün scrittin e fixescha quel al dret lö vi da la corda in stanza da scoula. 

In connex cun quist'actività pon gnir trattadas las seguaintas tematicas:

Erklärung

A mincha student vain tachà ün scrittin cun üna festa/ün evenimaint/ün mais sül frunt. El sto uossa eruir cun dumondas, chi pon gnir respusas be cun 'schi' o 'na', da che festa/evenimaint/mais chi's tratta. Ils students pon far adöver da las formulaziuns notadas aint il quadern da lavur. 

Erklärung

Per far l'actività Datas dal cour fuorma la magistra pêrs e scumparta a mincha student trais scrittins in fuorma da cour. Sün quels pon ils students scriver adüna üna data chi'd es importanta per els. Il partenari o la partenaria sto lura ingiavinar la signficaziun da la data cun far dumondas chi pon gnir respusas be cun 'schi' o 'na'. Ils students pon far las dumondas cun agüd da las formulaziuns notadas aint il quadern da lavur. L'actività es a fin, cur ch'ün student ha ingiavinà tuot las significaziuns da las datas.

Sligaziun

Il pled da soluziun es 'chalender annual'.

Erklärung

Las seguaintas dumondas güdan a far la punt al prossem tema: