A
Erklärung
La magistra annunzcha als students ch'els taidlan uossa insembel üna chanzun. Ella scriva il titel da la chanzun 'Auguris' vi da la tabla. Ils students prouvan d'eruir la significaziun da quel pled sursilvan cun far punts cun otras linguas (p.ex. talian: Auguri!). Els fan ponderaziuns davart il text da la chanzun.
La magistra penda sü ils purtrets dal model vi da la tabla. Lura taidlan ils students la chanzun in sursilvan e legian a listess temp il text tradüt in vallader. La magistra dumonda:
| - | Che pleds sursilvans vais vus inclet? |
| - | Che pleds sursilvans sun sumgliaints a quels valladers? Nomnai almain 5. |
| - | Che significha 'auguri’ in vallader? Consultai il vocabulari vallader. |
| - | Da che tratta la chanzun? |
| - | Che pleds nu s'affan culs purtrets vi da la tabla. |
| - | Per che pleds pudessan star tschels purtets? |
La magistra scumparta uossa üna o duos cartas cun purtrets a mincha student. Ella lascha ir amo üna jada la chanzun. Ils students ston star sü e preschantar la carta cul purtret, mincha jada cha'l pled correspundent cumpara illa chanzun.
