WORK IN PROGRESS

Eu sun ...

A

Sligaziun

Bun di. Eu n'ha nom Seraina Tratschin e stun daspö 30 ons ad Ardez. Eu sun maridada e n'ha trais uffants creschüts. Eu n'ha fat ün giarsunadi da cuaffösa, ma eu sun daspö duos ons pensiunada. Eu n'ha fat blers ons politica, ils ultims ons giod eu però ad ir in muntogna e far viadis in meis temp liber.

 

Allegra. Meis nom es Robert Defila. Eu sun creschü sü in Engiadina Bassa. Davo meis stüdi d'istorgia a Berna sun eu tuornà in Engiadina Bassa e lavur uossa sco magister a l'Institut Otalpin a Ftan. Meis hobis sun ir cul velo e giovar a ballarait.

 

Bun di. Meis nom es Lucrezia Luzi. Eu n'ha fat meis stüdis a Bulsan, ma daspö trais ons lavur eu sco giardiniera a Scuol. Eu vegn jent in muntogna, ma il plü suvent passaint eu meis temp liber cun leger ed ir a spass cun nos chan. 

 

Buna saira. Meis nom es Menduri Grischott. Eu sun oriund da Bever, ma eu stun daspö passa 40 ons a Sent. Da manster sun eu fisiker, ma eu sun pensiunà daspö desch ons e lavur be plü pac. Uschè n'ha eu daplü peida per meis hobis. In meis temp liber vegn eu jent illa natüra, giov suvent a golf e giod il temp cun mia famiglia. Eu sun maridà e n'ha tschinch uffants creschüts e desch abiadis. 

 

Allo. Eu sun Madlaina Nolfi e sun da Valchava. Daspö quista stà sun eu studenta d'architectura a l'università da Berna. In meis temp liber vegn eu jent cul velo da muntogna e fetsch jent gös cun meis amis e mias amias e cun meis frar schemblin.  

 

Buna saira. Eu n'ha nom Roman Depeder e stun cun meis partenari a Susch. Eu main ün affar d'apparats electrics cun 15 lavuraints. In meis temp liber vegn eu jent a chatscha cun meis chan e d'inviern culs skis.

B

Sligaziun

«Meis nom es Claudio Riatsch ed eu stun a Ramosch. Eu n'ha 15 ons e vegn a scoula secundara. Plü tard less eu dvantar falegnam. In meis temp liber vegn eu jent a pes-char e sun la clarinetta.»

Nom: Riatsch

Prenom: Claudio

Età: 15 ons

Domicil: Ramosch

Manster da sömmi: falegnam

Hobis: ir a pes-char, sunar la clarinetta
«Eu n'ha nom Anna Corradin e n'ha 13 ons. Eu stun a Tschlin e frequaint la prüma classa gimnasiala a l'Institut Otalpin a Ftan. In meis temp liber leg eu jent e giov a ballapè in üna squadra da mattas. Meis manster da sömmi es ballapeista o veterinaria.»

Nom: Corradin

Prenom: Anna

Età: 13 ons

Domicil: Tschlin

Manster da sömmi: ballapeista o veterinaria

Hobis: leger, giovar a ballapè
«Eu sun Mara Dos Santos e n'ha 16 ons. Eu deriv dal Portugal, ma stun daspö 10 ons a Scuol. In meis temp liber vegn eu jent a nodar, leg jent o guard da la mattina da noss vaschins. Perquai less eu eir jent far plü tard alch cun uffants.»

Nom: Dos Santos

Prenom: Maria

Età: 16 ons

Domicil: Scuol

Manster da sömmi: far alch cun uffants

Hobis: nodar, leger, guardar da la mattina da noss vaschins
«Eu n'ha nom Roman Brunold e n'ha 12 ons. Eu stun a Tschlin e vegn in prüma reala. Meis sömmi es da savair manar ün di ün'aigna garascha. Eu m'occup fingià uossa jent da töfs ed autos, n'ha però eir jent bes-chas. Nus vain a chasa üna pauraria ed eu vegn il plü jent a spass cun Fox, nos chan.»

Nom: Brunold

Prenom: Roman

Età: 12 ons

Domicil: Tschlin

Manster da sömmi: manar in'aigna garascha

Hobis: s'occupar da töfs ed autos, ir a spass cun Fox, il chan
«Eu sun Ladina Manzanell e n'ha 13 ons. Eu stun a Giarsun e frequaint la scoula secundara a Scuol. In meis temp liber vegn eu il plü jent a chillar cun mias amias o ch'eu vegn a rampchar. Eu lavur eir jent cul computer. Perquai less eu dvantar plü tard üna jada informaticra o graficra.»

Nom: Manzanell

Prenom: Ladina

Età: 13 ons

Domicil: Giarsun

Manster da sömmi: informaticra o graficra

Hobis: chillar cun mias amias, rampchar

C

Erklärung

Mincha student survain üna part dal model da copchar. El elegia ad üna persuna cuntschainta ch'el descriva tenor l'exaimpel. Il fögl vain cumplettà cun üna fotografia da la persuna. La magistra ramassa ils fögls da tuot ils students. Ella tils taglia permez e metta las parts da texts e fotografias cul cheu ingio sün maisa. Cun quels fögls fan ils students insembel ün memori. Sch'ün student scuvra üna fotografia, po el far almain üna frasa davart quella persuna. Il gö es a fin, cur cha'ls students han chattà tuot ils pêrs da texts e fotografias. 

Kopiervorlagen

Vorlagen

D

Erklärung

La magistra piglia cun sai desch fotografias da persunas cuntschaintas e tillas preschainta in classa. Ils students prouvan da dir, co cha las persunas as preschantessan a sai svess. 

 

Varianta: 

La magistra scumparta a mincha student üna fotografia. Ils students descrivan a la persuna sainza dir il nom, tschels ingiavinan chi cha la persuna pudess esser.