WORK IN PROGRESS

Chi es tü?

A

Sligaziun

Vais vus eir fom? Na, nus vain güsta mangià ün toc TSCHICULATTA. 
Hast eir tü minchatant mal il VAINTER?
 Schi, adüna cur ch'eu sun nervusa. 
Eu n'ha temma da chans.
 Da meis CHAN nu manglast avair temma. Quel es ün char. 
Eu sun hoz uschè stangla.
 Est tü statta in sortida her SAIRA? 
Est tü fan da Cinzia Regensburger?
 Schi, ella es üna fich buna CHANTADURA. 
Hast tü jent MARENGAS?
 Schi, quellas cun latmilch sun specialmaing gustusas. 
Meis bap ha 12 FRADGLIUNS. Uau, che gronda famiglia cha quai es!  
Che continent ha scuvert Columbus? El ha scuvert l'AMERICA. 
Cugnuoschast tü a sia SOUR? Schi, nus eschan bunas amias. 
Perche d'eira el grit? Seis AMIS til han seccà las ballas. 
Eschat eir vus fans da Messi? Schi, el es ün bun BALLAPEIST. 
Perche est tü uschè TRISTA? Meis giat nun es tuornà a chasa. 

 

La soluziun es la seguainta: AVAIR ED ESSER 

Erklärung

Ils students taidlan ils differents dialogs cuorts ed implischan las loccas culs pleds suotvart. Sch'els fan quai inandret, as muossa la seguainta soluziun: AVAIR ED ESSER. I's tratta quia da duos verbs auxiliars fich frequaints e cun quai fich importants in tuot las linguas. Insè as tratta da verbs agüdants chi vegnan dovrats per fuormar ils temps cumposts (perfet, plücoperfet, futur cumpost). In frasas al preschaint o a l'imperfet cumparan els però sco verbs per propa. 

 

Verbs agüdants: 

Eu n'ha gnü temma da las sajettas. 

Els sun stats in vacanzas al mar. 

 

Verbs per propa: 

Eu n'ha temma dal chan. 

Nus eschan bunas amias. 

 

Ils students discutan las dumondas in classa. Els prouvan d'eruir insembel la significaziun dals pleds ch'els han impli illas loccas. Els pon far quai cun descriver o pitturar o eir cun muossar in fuorma da pantomima, dimena cun mimica e gests che cha'ls pleds significhan. 

 

Per controllar, sch'els han inclet la significaziun dal pleds, pon ils students far las seguaintas dumondas in classa:

• Da che vais vus temma? 
• Hast eir tü minchatant mal il vainter? Scha schi, perche? 
• Cura vainst tü grit/gritta? 
• Da chi o che eschat vus fans? 
• Quants fradgliuns vais vus? 
• Est eir tü minchatant trist/trista? Scha schi, perche? 
• Has eir tü jent tschiculatta? E marengas? 

C

Sligaziun

AVAIR ESSER
eu n'ha eu sun 
tü hast tü est 
el/ella ha el/ella es
nus vain nus eschan
vus vais vus eschat
els/ellas han els/ellas sun

E

Erklärung

In quist exercizi douvran ils students eir la negaziun. Quella es però simpla. I vain simplamaing miss la particla nu (avant consonant) resp. nun (avant vocal) davant il verb: Eu vegn a chasa. / Eu nu vegn a chasa.; Eu n'ha fom. / Eu nun ha fom.  

 

Per controllar, scha'ls students san formular las frasas, po la magistra far per finir inchünas dumondas in classa.

 

Las seguaintas dumondas sun formuladas listess, ellas han però ün s-chazi da pleds ün pa plü vast: 

• Hast tü ün chan a chasa? 
• Est tü ün Grischun/üna Grischuna? 
• Ha inchün da vus anniversari in favrer, in avrigl, in december? 
• Chi da nus ha daplü co 12, 30, 50, 70 ons? 
• Chi da nus ha ün velo a chasa? 
• Chi da nus ha chavels clers? E chi ha ögls brüns? 
• Chi da nus es fan da ballapè, da musica da rock, da l'Engiadina? 

G

Erklärung

La magistra copcha il model e taglia oura las singulas striblas culs noms da persunas o figüras cuntschaintas. Ella tacha a mincha student ün scrittin sül frunt, uschè cha quel nu vezza che nom chi'd es sül scrittin. Uossa ston tuot ils students provar da chattar oura a chi cha'ls singuls students rapreschaintan. I's po far quel exercizi in ün rinch, uschè cha minchüna e minchün fa adüna üna dumonda. La classa das-cha però respuonder be cun 'schi' o 'na'. Cun agüd da las dumondas e respostas pon ils students ingiavinar a chi ch’els rapreschaintan.  

 

Ils students pon eir far quell'actività cun ir per la stanza da scoula intuorn e dumandar als constudents ch'els inscuntran dürant il gir. Sch'els han ingiavinà il nom, tuornan els inavous a lur plazza. 

 

Sch'inchün nu chatta oura il nom da la persuna o figüra sül scrittin, po la gruppa dar tips (p.ex. i'l cas da Roger Federer: Nu vaivast eir tü üna jada üna chasa a Lai-Valbella). 

 

In üna seguonda runda pon ils students scriver svess noms da persunas o figüras cuntschaintas sün scrittins e tachar quels sül frunt da lur constudents. 

Kopiervorlagen

Prominente