Ils students observan las fotografias dils vehichels. Silsuenter teidlan els ils audios in suenter l'auter ed emprovan d'attribuir lezs ed ils nums allas fotografias corrispundentas. Las suandontas damondas san plinavon vegnir tematisadas:
| • |
Tgeinins da quels vehichels has ti gia manischau? |
| • |
|
| • |
|
| • |
|
| • |
|
Ils students mettan per els sezs ina successiun dils vehichels, quei tenor la damonda tschentada. L'evaluaziun da quei pensum sa vegnir fatga en gruppa cun agid da maletgs dils singuls vehichels. In student tschenta ils maletgs en ina successiun aschia sco ei constat per el. Ils auters commenteschan quella sligiaziun pusseivla ed indicheschan, tgei ch'els vessen ordinau auters.
Sco punt alla proxima incarica sa la scolasta far attent als superlativs che cumparan ellas damondas (il pli spert, il pli car).
Ils students legian il memo, discuteschan communablamein las damondas e sebrattan davart las incaricas ch'els han fatg. El plenum vegnan ils resultats rimnai e cumparegliai.
plaid da sligiaziun: SPERTEZIA
Ils students teidlan ils dialogs e fan il pensum. Il plaid da sligiaziun (SPERTEZIA) ei in superlativ che la scolasta sa declarar cun far entgins exempels (quei auto ei spertezia, la cuntrada ei bellezia). El survescera sco punt alla proxima incarica, nua che Pieder Decurtins raquenta da sia pissiun per cuorsas da autos.
El pensum s'occupeschan ils students cullas situaziuns sco talas e concepeschan sezs in dialog, el qual in vehichel cumpara. Ils dialogs vegnan silsuenter presentai el plenum, plaids nunenconuschents nudai vid la tabla. Las suandontas damondas accumpognan l'evaluaziun:
| • | Tgei ei stau grev/lev? |
| • | Tgeinins da quels dialogs dat ei veramein per romontsch? Nua vegn per regla tschintschau tudestg? |
| • | Per part vegnan discuors remplazzai entras l'informaziun online. Nua ei quei il cass? |
Pil pensum sa la scolasta copiar la carta dalla Surselva ni ch'ils students enqueran sezs online ils loghens presentai.
Suenter ch'ils students han scret il text, presentan els lur liug el plenum e dattan aschia vinavon in cussegl concret per in'excursiun.
|
|
gest |
falliu |
|
En lur fatschenta san ins cumprar autos per ir sin via. |
x |
|
|
Tier Radical Sportcars san ins empristar autos da cuorsa. |
x |
|
|
Duront quater onns han Claudio e Pieder fatg ensemen cuorsas dad autos. Mo Pieder ha fatg cuorsas. Claudio ha luvrau sco mecanist tier la formula Ford. |
|
x |
|
El rom dalla formula Ferrari ha Pieder priu part dils campiunadis tudestgs ed europeics. formula Ford |
|
x |
|
Ell'Engheltiara han els fatg l'emprema experientscha cun in auto numnaus Radical. |
x |
|
|
Pieder ha demoliu in BMW. |
x |
|
|
Pieder less exnum che ses affons daventien pilots da cuorsa. Per motivs da cuosts discusseglia Pieder ina carriera da pilot da cuorsa. |
|
x |
|
Per entscheiver ina carriera da gokart ston ins disponer da 150'000 fr. Ins sto disponer da 70’000 tochen 100’000 fr. |
|
x |
|
Pieder ei fascinaus dalla spertadad. |
x |
|
|
Tenor Pieder vegnan biaras persunas a manischar in Opel el futur. Tenor Pieder vegn ei buc ad esser impurtont tgei marca dad autos ch'ins ha. |
|
x |
|
Tenor Pieder vegnan en 20 tochen 30 onns biars autos buc a duvrar in manischunz. |
x |
|
|
Il grond siemi da Pieder fuss da separticipar ad ina cuorsa a Le Mans. |
x |
|
Persuls ni en gruppas da dus legian ils students il text e teidlan l'intervista cun Pieder Decurtins. Els decidan silsuenter tgei pretensiuns ch'ein correctas e tgeininas ch'ein fallidas. Suenter ch'ils students han nudau lur vehichels, scrivan els entginas construcziuns davart lur pissiun.
L'evaluaziun vegn concludida cun discutar las suandontas damondas:
| • |
Fascinescha la spertadad era tei? Explichescha. |
| • |
Has ti gia inaga viu ina cuorsa dad autos? Raquenta. |
| • |
Vulesses ti bugen far part tez/tezza dad ina cuorsa dad autos? |
| • |
Tgeinin ei tiu auto preferiu? Daco gest quel? |
| • |
Tgei pissiun has ti? Tgei plai a ti en special? |
| • |
Con temps impundas ti per tia pissiun ad jamna? |
La scolasta copiescha la tabla da giug per ils students che giogan en gruppas 2 tochen 4. Il student avonza d'in adjectiv tier l'auter, betta il quadrel e sligia il pensum ch'il diember indichescha. Sche la sligiaziun ei correcta, astga il student restar sil quadret. Sche la sligiaziun ei fallida, sto el ir anavos sil quadret, danunder ch'el ei vegnius. Ils students curregian in l'auter. Els damondan la scolasta, sch'els ein buca segirs.
Varianta:
Ils scolars giogan cun dus quadrels. In indichescha cons quadrets ch'il scolar astga avanzar e tschel indichescha il pensum che sto vegnir sligiaus.