A
Audio zu A
Direcziuns
B
Sligaziun
Ir seniester, ir agradora, ir dretg
Erklärung
B-D)
La scolasta fa sco sch'ella fuss ida a piarder en stanza da scola. Ella mira entuorn e damonda tuttenina in scolar suenter la via (per exempel sin tualetta). Sche il scolar sa buca gidar, damonda ella in'autra persuna. Alla fin sa ella nudar las indicaziuns da direcziun ch'ella ha survegniu vid la tabla e discutar quellas culs students.
Silsuenter teidlan ils students il dialog e sligian ils pensums.
C
Sligaziun
Stizun da flurs, cruschada, parcadi
D
Sligaziun
Info grafica: integrar illustraziun cun marcar liug (mira document)
E
Erklärung
Ils students repartan las rollas, legian pliras gadas il dialog ed emprovan da giugar el. Alla fin san ils giugs da rolla vegnir presentai alla classa.
F
Erklärung
Per quella activitad drovan ins avunda spazi. Sch'igl ei pusseivel, eis ei bien da nezegiar ils zulers ni ir giuado el liber. Ils students lavuran en pèrs. In student sto mintgamai serrar ils egls (ins sa era duvrar pendas) ferton che l'auter meina el ad in punct ch'el ha definiu. Il guid astga buca tuccar en il tschiec, el astga mo menar el cun plaids (dretg, seniester, agradora, stop), tochen ch'il tschiec ei arrivaus alla finamira. Silsuenter vegnan las rollas midadas. Alla fin sa la scolasta far ina runda da reflexiun. Ella sa dumandar:
| • | Co essas vus sesenti (en omisduas rollas)? |
| • | Essas vus arrivai alla finamira? |
| • | Ha ei dau malcapientschas? |
G
Sligaziun
|
dialog 1 |
plazza da giug |
dialog 4 |
cascada |
|
dialog 2 |
banca |
dialog 5 |
campadi |
|
dialog 3 |
baselgia |
dialog 6 |
pendiculara |
Erklärung
La scolasta declara ch'ils students vegnien ad udir differents dialogs che hagien liug el hotel dil vitg ch'ei vegnius presentaus el pensum A) e che quei hotel seigi il punct da partenza per las descripziuns da via ch'ils dialogs cuntegnien. Silsuenter teidlan ils students ils dialogs e suondan la via descretta. Els ston far attenziun da surprender la perspectiva dils pedunzs per anflar la dretga via. Alla fin da mintga dialog nodan els la finamira dalla persuna che enquera ina destinaziun.
H
Erklärung
Ils students lavuran en dus. Els secunvegnan mintgamai sin in punct da partenza. Silsuenter damonda in student suenter in liug e l'auter dat risposta. Els drovan las expressiuns ellas niblettas ni autras expressiuns ch'els han legiu ed udiu els dialogs precedents. Alla fin sa mintga pèr presentar cuortamein in discuors. Ils auters students teidlan attentamein e persequiteschan la via anavos per anflar il punct da partenza dil discuors presentau.
I
Sligaziun
| singular | plural | |
| icon | Fai attenziun! | Fagei attenziun! |
| icon | Metta si ina capellina! | Mettei / Metti si ina capellina! |
| icon | Stai eri! | Stei eri! |
| icon | Pren il tgaun vid la corda! | Prendei / Prendi il tgaun vid la corda! |
| icon | Va agradora! | Mei agradora! |
| icon | Porta ina mascrina! | Purtei ina mascrina! |
| icon | Seglia buc ell'aua! | Sigli buc ell'aua! |
| icon | Lava ils mauns! | Lavei ils mauns! |
| icon | Tschenta ora il telefonin! | Tschentei ora il telefonin! |
| icon | Betta ils rumians el canaster da pupi. | Betti ils rumians el canaster da pupi. |
| icon | Tegn distanza! | Teni distanza! |
Plaid da sligiaziun: Tgi ei igl IMPERATIV?
Erklärung
Ils students enqueran ella salata da bustabs ils verbs che gidan a cumpletar las instrucziuns indicadas sillas tablas. Els colureschan ils plaids el legn. Sch'els nodan ils bustabs restonts in suenter l'auter sillas lingias, semuossa il plaid da sligiaziun IMPERATIV. Las suandontas damondas vegnan discutadas en classa:
| • |
Tgei ei igl imperativ? (in dils quater modus) |
| • |
Cu vegn el duvraus? (camonds, scamonds, cussegls, …) |
| • |
Tgei finiziun ha la fuorma digl infiniv (singular)? |
| • |
Tgei fuorma dil verb gida a formar igl imperativ singular? (2. pers. singular indicativ: schar naven igl s) |
| • |
Tgi sa numnar ina da quellas fuormas el plural? |
| • |
Tgei fuorma dil verb gida a formar igl imperativ plural? (2. pers. plural indicativ: schar naven igl s) |
J
Erklärung
Ils students legian il memo davart igl imperativ e nodan tier mintga tabla dil pensum a) la fuorma dil plural.
Silsuenter sa la scolasta dumandar:
| • |
Tgeininas da quellas instrucziuns ein scamonds/camonds/cussegls? |
| • |
Co san ins era exprimer quels camonds, scamonds e cussegls? (per exempel: tschentar ora il telefonin / scumandau da siglir ell’aua / ins astga buc … / ins sto …) |
K
Sligaziun
|
Vus stueis ir dretg. |
Mei dretg! |
|
Vus stueis traversar la via. |
Traversei la via! |
|
Ti stos cumprar in bigliet. |
Cumpra in bigliet! |
|
Ti stos encurir in hotel. |
Enquera in hotel! |
|
Vus stueis dumandar suenter la via. |
Dumandei sutenr la via! |
|
Ti stos mirar silla carta. |
Mira silla carta! |
|
Vus astgeis buc cuorer. |
Cuora buc! / Buc cuora! |
|
Ti astgas buc tschintschar. |
Tschontscha buc! / Buc tschontscha! |
|
Ti astgas buc arver las finiastras. |
Arva buc las finiastras! / Buc arva las finiastras! |
|
Ti astgas buc magliar el tren. |
Maglia buc el tren! / Buc maglia el tren! |
|
Vus astgeis buc fimar en cheu. |
Fimei buc en cheu! / Buc fimei en cheu! |
|
Vus astgeis buc entrar. |
Entrei buc! / Buc entrei! |
Erklärung
Ils students nodan las instrucziuns ch’ein formuladas culs verbs modals stuer e (buc) astgar ella fuorma digl imperativ.
L
Erklärung
La scolasta dat instrucziuns alla classa. Ella di per exempel: «Jeu camondel: Stei sin ina comba!» Ils students ston immediat far quei che la scolasta di, denton mo sch'ella di 'jeu camondel' avon l'instrucziun. Sch'ella fa buca quei, astgan ils students buca semuentar. Tgi che semuenta tuttina, croda ora e sa per quella runda buca pli far part dil giug. Gudignau ha la persuna che stat il pli ditg el giug.
Cu ils students han exercitau pliras gadas quei giug, san els era sezs surprender la rolla dil cumandader. Per ch'els stoppien buca studegiar memia ditg duront il giug eis ei bien, sche mintgin noda gia ordavon en siu carnet da scriver 10-20 instrucziuns che san vegnir exequidas el liug d'instrucziun.
Per exercitar la fuorma dil singular sa quei giug era vegnir daus en pèrs, nua che in sa mintgamai dar camonds a tschel.