Sligaziun

Info grafica: integrar sligiaziun dalla illustraziun ord Da Mexiko City a Zignau, 6. Saver s'orientar

Erklärung

La scolasta projectescha in plan dil liug, nua che la classa sesanfla gest. Ella tschenta als students las suandontas damondas: 

En in secund pass sa la scolasta clamar anavon ils students per mussar ils puncts exacts silla carta tenor las suandontas damondas: 

Suenter quella introducziun emprovan ils students d'attribuir ils baghetgs ed indrezs 1-16 silla carta dil vitg als diembers corrispundents. Els nodan il diember el dretg liug silla carta. Il resultat vegn controllaus el plenum. 

Erklärung

Sco introducziun sa la scolasta supplicar mintga student da seposiziunar zanua en stanza da scola. Vid la tabla ha la scolasta nudau las preposiziuns che cumparan era el caum. Mintga student sto ussa descriver cun agid dad ina preposiziun nua ch'el sesanfla («Jeu stun visavi Patricia.» «Davos mei ei Roman.»). Sch'els han fatg quei correctamein, astgan els turnar anavos en lur plazs.

Varianta:

Ina persuna di, co ella less posiziunar ils auters, e lezs sedrezzan tenor quei che la persuna di.

Ils students lavuran ussa en dus e legian ils exempels el caum. Mintgin dad els elegia in dils 16 baghetgs ni indrezs ed emprova da formular, nua che quel sesanfla. Il vischin/la vischina legna. Sch'il resultat ei corrects, vegnan las rollas brattadas. Suenter entgins legns fan ils students il pensum a scret e scrivan otg construcziuns en lur carnet da scriver.

Idea supplementara:

La scolasta sa organisar ina cuorta catscha da scazis ella stanza da scola ni era giuadora. Ella noda sin mitga cedel ina construcziun che cuntegn ina preposiziun, per exempel: Il proxim cedel sesanfla davos la tabla.

Erklärung

Ils students discuteschan las damondas cun lur vischin/vischina. Silsuenter presenta mintga student ina risposta el plenum. Plaids nunenconuschents vegnan nudai vid la tabla. La davosa damonda fa la punt alla proxima incarica. La scolasta sa dir il suandont: «Nus vein ussa viu, tgei baghetgs ch'ei dat e nua ch'els sesanflan. Ussa lein nus mirar, tgei ch'ins sto saver per saver secommunicar els baghetgs corrispundents.»

Sligaziun

Erklärung

Ils students teidlan ils quater dialogs e nodan ella secunda colonna dalla tabella il baghetg, en il qual ils dialogs ein vegni menai. Ils students fuorman ussa gruppas da dus ed ils singuls dialogs vegnan reparti sillas gruppas (tut tenor diember han duas gruppas il medem dialog). En in emprem pass legian ils students aunc inaga ils dialogs (model da copiar) e fan ina midada el text. Silsuenter exerciteschan ils students il text (culla midada), aschia ch'els san presentar il dialog ordado avon la classa.

Cura che tuttas gruppas ein semtgadas, suonda la presentaziun en classa. Mintga gruppa presenta il dialog, ils auters nodan ella tabella la midada ch’els han remarcau. Alla fin vegnan las midadas discutadas. Las suandontas damondas accumpognan ultra da quei l'evaluaziun:

Erklärung

Ils students concepeschan uss en gruppas da dus in agen dialog tipic tier in auter baghetg. Els lavuran cun agid dil vocabulari e discussiuneschan lur resultat culla scolasta. Lezza dat impuls e curregia, nua ch'ei fa da basegns. Sco finiziun presentan ils students lur dialogs el plenum.

Erklärung

Ils students applicheschan sco pensum da casa quei ch'els han empriu en quella unitad. Els drovan lur savida linguistica concretamein en ina situaziun dil mintgadi. Sch'els ein buca sesents en ina vischnaunca romontscha, fan els quei via telefon. Silsuenter evalueschan els lur experientscha cun agid dallas damondas.