WORK IN PROGRESS

Veiculs

A

Erklärung

Ils students guardan las fotografias dals veiculs. Lura taidlan els ils audios ün davo tschel e prouvan d'attribuir il noms dals veiculs a las fotografias correspundentas.

 

La magistra po implü tematisar las seguaintas dumondas:

•

Chenüns da quels veiculs hast tü fingià manisà?
•

Che veiculs as douvra plüchöntsch pella lavur, chenüns i'l temp liber?
•

Che veiculs nu fan don a l'ambiaint?
•

Cugnuoschast tü amo oters veiculs?
•

Hast o voust tü üna jada ün agen auto? Perche (brich)?

B

Erklärung

Ils students fan per mincha dumonda da per sai üna successiun dals veiculs. L'evaluaziun da quista lezcha po gnir fatta in gruppa cun agüd da purtrets dals singuls veiculs. Ün student metta ils purtrets in üna successiun uschè sco chi tuorna per el. Tschels students commenteschan quella successiun pussibla ed indicheschan che ch'els vessan ordinà otramaing.

 

Sco punt a la prosma lezcha po la magistra render attent als superlativs chi cumparan illas dumondas (il plü svelt, il plü char ...).

C

Erklärung

Ils students legian il memo, discutan insembel las dumondas e's barattan davart las incumbenzas ch'els han fat. Ils resultats vegnan ramassats e congualats in classa.

D

Sligaziun

Pled da soluziun: BUNISCHEM

Erklärung

Ils students taidlan ils dialogs e fan la lezcha D). Il pled da soluziun (BUNISCHEM) es ün superlativ cha la magistra po declerar cun ün pêr exaimpels (il chaschöl es bunischem, la regiun es bellischma). El fa eir la punt a la prosma lezcha, ingio cha Riet Bulfoni quinta da sia paschiun per autos svelts.

E

Erklärung

Illa lezcha s'occupan ils students da las situaziuns sco talas e concepischan svess ün dialog, i'l qual cumpara ün veicul. Ils dialogs vegnan lura preschantats in classa, pleds incuntschaints notats vi da la tabla. Las seguaintas dumondas accumpognan l'evaluaziun:

•

Che es stat facil/difficil?
•

Chenüns da quels dialogs daja propa in rumantsch? Ingio vain pel solit discurrü tudais-ch?
•

Tscherts discuors vegnan rimplazzats cull’infuormaziun online. Ingio es quai il cas?

F

Erklärung

Per la lezcha po la magistra copchar la charta da l'Engiadina Bassa o cha'ls students tscherchan svess online ils lös preschantats.

G

Erklärung

Davo cha’ls students han scrit il text, preschaintan els lur lö in classa e dan uschè inavant ün tip concret per ün'excursiun.

H

Sligaziun

 

 güst fos

Riet lavura illa cità da Berna.

 

x

Fingià da pitschen guardaiva Riet cuorsas d'autos cun seis bap. 

x

 

Dürant la stà vendaiva el glatscha illa glatscharia da Scuol.

 

x

Aint illa garascha, ingio cha Riet lavura pel mumaint, daja be Ferraris.

 

x

Adonta cha Riet lavura in üna garascha da Ferraris, es seis auto predilet l'Audi A4.

x

 

L'on 2017 ha Riet tut part al campiunadi mundial da mansters ad Abu Dhabi.

x

 

Riet quinta cha al campiunadi mundial da mansters haja el vis, co ch'in oters pajais vegna lavurà listess sco quia pro nus. 

 

x

Il sömmi da Riet es da lavurar cun autos da la formula 1.  

x

 

A Riet fascinescha tuot quai chi ha roudas ed eir l'ir cul velo. 

 

x

Il plü svelt auto ch'els han in garascha ha 63 forzas da chavals. 

 

x

Tenor Riet nu sun autos electronics la soluziun.

x

 

El craja però chi detta in 100 ons autos chi san svolar.

 

x

J

Erklärung

Ils student legian sulets o in gruppas da duos il text e taidlan l'intervista cun Riet Bulfoni. Els decidan lura che pretaisas chi sun güstas e chenünas fosas. Davo cha'ls students han notà lur veiculs predilets, scrivan els ün pêr frasas davart lur paschiun.

 

L'evaluaziun vain conclüsa cun discutar las seguaintas dumondas:

•

At fascinescha la sveltezza eir a tai? Declera.
•

Hast tü fingià vis üna jada üna cuorsa d’autos? Quinta.
•

Lessast tü jent tour part svess ad üna cuorsa d’autos?
•

Chenün es teis auto predilet? Perche güsta quel?
•

Che paschiun hast tü? Che at plascha specialmaing bain?
•

Quant temp impuondast tü per tia paschiun minch’eivna?