Sligaziun

Soluziuns pussiblas:

La posta es tanter il parcadi e la stizun. 

La staziun es dasper la scoula.

La plazza da parcar es sper la baselgia.

Il bogn cuvert es a dretta da la scoulina.

L'hotel es a schnestra da la butia da fluors.

La butia es tanter la posta e la banca.

La chasa cumünala es davo la baselgia.

La plazza da giovar es davant la scoulina.

Erklärung

La magistra projectescha ün plan dal lö, ingio cha la classa as rechatta güsta. Ella fa las seguaintas dumondas als students ed a las studentas:

In ün seguond pass po la magistra clomar insembel als students per tils muossar ils lös exacts sülla charta, fond las seguaintas dumondas:

Davo quist'introducziun prouvan ils students e las studentas d’attribuir ils noms dals edifizis ed implants al dret lö illa charta dal cumün. Els scrivan ils nomers 1-16 als drets lös illa charta. Ils resultats vegnan controllats in classa.

Erklärung

Sco introducziun po la magistra dumandar a mincha student da's posiziunar da qualche vart in stanza da scoula. La magistra ha notà las preposiziuns chi cumparan i'l choten vi da la tabla. Ils students ston uossa descriver cun agüd d'üna preposiziun, ingio ch'els as rechattan güsta («Eu stun visavi a Patricia.» «Davo mai es Roman.»). Sch'els han fat quai inandret, das-chan els tuornar a lur plazza.

Varianta:

Üna persuna disch, co ch'ella less posiziunar a tschels e quels fan quai cha la persuna disch.

Ils students lavuran uossa in duos e legian ils exempels i’l choten. Minchün dad els tscherna ün dals 16 edifizis o implants e prouva da formular, ingio cha quel as rechatta. Il vaschin/la vaschina ingiavina. Sch’el/ella ingiavina inandret, vegnan las rollas barattadas. Davo avair ingiavinà ün pêr edifizis ed implants, fan ils students la lezcha in scrit e scrivan ot frasas in lur quadern da lavur.

Idea supplementara:

La magistra po organisar üna cuorta chatscha da s-chazis illa stanza da scoula o eir our i'l liber. Ella nota sün mincha scrittin üna frasa chi cuntegna üna preposiziun, per exaimpel: Il prossem scrittin es davo la tabla.

Erklärung

Ils students discutan las dumondas cun lur vaschin o lur vaschina. Lura preschainta mincha student üna resposta in classa. Pleds cuntschaints vegnan notats vi da la tabla. L'ultima dumonda fa la punt a la prosma lezcha. La magistra po dir il seguaint: «Nus vain vis che edifizis chi dà ed ingio cha quels as rechattan. Uossa laina verer che chi's sto savair per pudair as trategner i'ls singuls edifizis.»

Sligaziun

dialog 1: in butia

dialog 2: in banca

dialog 3: a la staziun

dialog 4: in chasa cumünala

Erklärung

Ils students taidlan ils quatter dialogs e notan illa seguonda colonna da la tabella l'edifizi, i'l qual ils dialogs han lö. Els fuorman lura gruppas da duos e'ls singuls dialogs vegnan scumpartits süllas gruppas (tuot tenor il nomer han duos gruppas il listess dialog). In ün prossem pass legian ils students amo üna jada ils dialogs (model da copchar) e fan üna müdada aint il text. Lura exerciteschan ils students il text (culla müdada), uschè ch’els san preschantar il dialog ourdadoura davant la classa.

Cur cha tuot las gruppas sun prontas, segua la preschantaziun in classa. Mincha gruppa preschainta seis dialog, tschels students notan la müdada ch'els han remarchà aint illa tabella. A la fin discutan ils students insembel las müdadas. Las seguaintas dumondas accumpognan implü l’evaluaziun:

mirar commentari mintgamai tier il plaid "müdada"

Erklärung

Ils students concepischan uossa adüna in duos ün agen dialog in ün oter edifizi in ün cumün rumantsch. Els lavuran cun agüd dal vocabulari e discutan lur resultat culla magistra. Quella dà impuls e corregia, ingio chi fa dabsögn. Per finir preschaintan ils students lur dialogs in classa.

Erklärung

Ils students applicheschan sco lezcha da chasa quai ch’els han imprais in quist'unità. Els douvran lur savair linguistic in üna situaziun concreta dal minchadi. Sch'els nu stan in ün cumün rumantsch, fan els quai per telefon. Lura evalueschan els lur experienza cun agüd da las dumondas.