Erklärung
Quist mez da lingua A2 cumainza cun ün cuort mumaint da reflexiun a reguard l'agen imprender chi vain visualisà cul purtret da la via. Lura tematisescha l’unità tuot quai chi's muossa, cur chi s’es per via, saja quai in ün cumün o in üna cità. Il prüm vegnan analisats ils möds da viver in cumün e cità, lura vain dat ün sguard als differents edifizis, a las chasas d'abitar cun lur localitats ed als veiculs. Ils students e las studentas s’avicinan in tipics dialogs dal minchadi a la tematica. Els dvaintan svess activs e san uschè as mouver in rumantsch tras vias e giassas ed illas instanzas d'ün cumün. L'unità conclüda cun ün purtret dal cumün da Guarda chi muossa las attracziuns e’ls mumaints istorics dal lö, quai sco impuls per s’occupar da l’agen cumün. Dal punct da vista grammatical imprendan ils students e las studentas a cugnuoscher las preposiziuns dal lö, la fuormaziun da l'imperativ sco eir la graduaziun e l'accord dals adjectivs.