Ils students prendan lur cudischs da lavur e fan il tur tras la stanza da scola. Els tschentan las damondas a lur constudentas e constudents e nodan il num da quel ni quella che sa rispunder alla damonda cun gie. Cura ch'els han anflau per mintga damonda ina persuna, tuornan els anavos en lur plazs.
Sco evaluaziun sa la scolasta preleger las damondas e quels che san rispunder cun gie stattan sin peis.
La davosa damonda fa la punt alla proxima incarica.
CALAMITA(D)
Ils students survegnan diesch cartas che cuntegnan mintgamai ina construcziun. Mintga construcziun resumescha en sempels plaids il cuntegn d'ina strofa. Sch'ils students anflan la dretga successiun, semuossa il plaid-clav.
| 1. |
calamita (Anziehungskraft): Il salep vegn attratgs dalla furmicla e viceversa. Els s’inamureschan in da l’auter e lessen maridar.
calamitad (Unglück): Ei schabegia in accident tragic, en il qual il salep vegn blessaus e miera en consequenza da quel. |
| 4. |
La canzun dil bau (il bau miera, perquei ch’el vegn smaccaus ora dil criec) Romeo e Giulietta (omisdus mieran a moda tragica) |
Ils students s'informeschan davart la muntada dils plaids calamita e calamitad. Silsuenter discussiuneschan els las damondas en dus.
Sco evaluaziun sa la scolasta formular constataziuns ed ils students stattan sin peis, sch'els san confirmar quellas.
| - | La canzun cuntegn ina historia d’amur. (correct) |
| - | La furmicla damonda il salep da maridar. (falliu) |
| - | Els maridan en baselgia. (correct) |
| - | Il salep e la furmicla survegnan in affon. (falliu) |
| - | Els van en vacanzas da mèl vi sur mar. (falliu) |
| - |
Il salep vegn malsauns. (falliu) |
| - |
La furmicla fa tut il pusseivel per spindrar il salep. (correct) |
| - |
La historia dil salep e la furmicla ha in happy end. (falliu) |
Sligiaziun pusseivla:
1:18-5:33
Il salep suna sin sia gegia, duront che las furmiclas lavuran. Il salep ei fascinaus d'ina furmicla e suna mo per ella. La furmicla ei en siu letg e vegn neunavon dalla musica dil salep. Ella mira da finiastra ora e vesa il salep en curtgin. Ella va da scala giu ed arva la porta. Sut la glisch dalla glina s’entaupan els e s'embratschan.
5:38-9:35
La historia d'amur dil salep e la furmicla vegn raquintada vinavon. Tuts ein informai. Il salep e la furmicla maridan. Els van en baselgia, il chor dallas furmiclas conta per els. Il salep e la furmicla maridan avon igl altar. Cura ch'els vegnan ord baselgia, fa il fotograf fotografias dallas nozzas.
9:38-12.17
Ei vegn saltau, ils musicants sunan. Era il salep e la furmicla saultan ensemen. Il salep dat en venter e sefa mal. El vegn purtaus a casa en siu letg. La furmicla bragia spel letg dil salep.
12:20-19:07
La furmicla pren cumiau e vegn accumpignada da treis autras furmiclas tochen alla riva dalla mar. Leu va ella culla barca tut persula sur mar per etg da medegar. Las undas ein fetg fermas. Ella sto ir ditg ed ella tuorna pér suenter liung temps tras la neiv. Cura ch'ella vegn en casa, ei il salep buc pli leu. La furmicla va tier sia fossa e stat en schanuglias.
En gruppas miran ils students in extract dil film e scrivan communablamein il text che documentescha quei che schabegia. Els nodan il text e laian curreger el dalla scolasta per ch’el seigi promts per la presentaziun.
gruppa 1: 1:18-5:33
gruppa 2: 5:38-9:35
gruppa 3: 9:38-12:17
gruppa 4: 12:20-19:07
Sco evaluaziun san ins mirar il video senza tun. Mintga gruppa commentescha lu cun lur plaids las passaschas ch'els han preparau.
Ideas supplementaras:
En dus elegian ils students ina scena ord la historia dil salep e la furmicla e presentan quella sco maletg dalla situaziun (Standbild). Ils auters legnan da tgei scena ch’ei setracta.
Ils dialogs vegnan tedlai sco audio ni presentai el plenum. Las suandontas damondas accumpognan l'evaluaziun.
| • |
Tgei scena ei stada tenor vus la pli autentica? Pertgei quella? |
| • |
Tgei plaids ed expressiuns vegnan duvradas, sch’ins ei inamuraus/inamurada? |
| • |
Cumpareglia il romontsch en quei grau cun auters lungatgs che ti enconuschas. |
Entginas expressiuns vegnan nudadas vid la tabla e cumparegliadas cun auters lungatgs. Ils students san scriver ellas el cor en lur cudisch da lavur.