A
Erklärung
L’emprema unitad dil tom A2 dad Arvaportas sededichescha alla tematica Sin via. En quei connex duein ils students gest ponderar nua ch’els sesanflan sin via pertuccont igl emprender romontsch. Sco introducziun ell’incarica sa la scolasta tschentar las suandontas damondas:
| • |
L’emprema unitad senumna Sin via. Co translatasses ti quei per tudestg? (unterwegs) |
| • |
Nua eis ti pil mument sin via? Noda in punct sin in cedel e surdai quel alla scolasta. |
La scolasta prelegia sinquei las menziuns dils students ed el plenum vegn lignau tgi che ha detg tgei.
Ella sa dir il suandont per introducir la proxima incarica: «Nus tuts essan era sin via cun emprender romontsch. Lein dar in'egliada anavos sin la via d'emprender che vus essas suandai. Ella gida vus da formular novas finamiras e prender catsch pils proxims pass.»
Ils students fan sinquei ils pensums en connex cul maletg. La scolasta reparta il model cun las tablas ed il muossavia ch'ils students san duvrar per cumpletar lur maletg. Suenter la lavur singula vegnan ils carnets exponi ed ils students san far in tur tras la stanza. Mintga student presenta sco finiziun in paliet da siu muossavia sco impuls e sustegn d'emprender pils auters.
Sligaziun
Emprems contacts, Cordiala gratulaziun, Mia famiglia, Scolas e professiuns, Bien appetit!, Cun tgierp ed olma