A
Erklärung
La prüma ünità dal volüm A2 da Drivaportas as dedichescha a la tematica Per via. In quist connex dessan ils students e las studentas güsta ponderar, ingio ch’els as rechattan sün lur viadi in reguard a l’imprender rumantsch. Sco introducziun ill’incumbenza po la magistra far las seguaintas dumondas:
| • |
La prüma unità as nomna Per via. Co tradüessast tü quai in tudais-ch? (unterwegs) |
| • |
Ingio est tü pel mumaint per via? Nota ün punct sün ün scrittin e surdà quel a la magistra. |
La magistra prelegia lura quai cha’ls students e las studentas han notà sül scrittin, ed i vain ingiavinà in classa chi chi ha scrit che.
Per introdüer la prosma incumbenza po la magistra dir il seguaint: "Nus tuottas e tuots eschan eir per via cun imprender rumantsch. Lain dar ün sguard inavo al viadi d’imprender cha vus vais fat. Quel as güda a formular nouvs böts e tour schlantsch pels prossems pass."
Ils students e las studentas fan lura las lezchas in connex cul purtret. La magistra scumparta il model (M1.0a) cullas tablas e’ls muossavias cha’ls students pon dovrar per cumplettar lur purtret. Davo la lavur individuala vegnan ils quaderns exposts e’ls students e las sudentas pon far ün gir tras la stanza da scoula. Mincha student e mincha studenta preschainta per finir ün da seis muossavias sco impuls e sustegn d’imprender pels oters.
Sligaziun
Prüms contacts, Cordialas gratulaziuns, Mia famiglia, Scoulas e mansters, Bun appetit, Cun corp ed orma