Erklärung
Quei mied dad A2 entscheiva cun in cuort mument da reflexiun davart igl agen emprender, che vegn visualisaus cul maletg dalla via. Silsuenter tematisescha l'unitad tut quei che semuossa sin via, seigi quei el vitg ni el marcau. Gl'emprem vegn analisau la moda da viver el vitg ni el marcau, silsuenter vegn dau in'egliada sils baghetgs, silla casa cun sias stanzas e sils vehichels. En dialogs tipics dil mintgadi s'avischinan ils students e las studentas alla tematica, vegnan sezs activs e san aschia semover segiramain per romontsch tras las vias ed instanzas d'ina vischnaunca. L'unitad concluda cun in purtret concret dalla vischnaunca da Glion che muossa las attracziuns ed ils muments historics, quei sco impuls per s'occupar cull'atgna vischnaunca. Grammaticalmein emprendan ils students e las studentas d'enconuscher las preposiziuns dil liug, la formaziun digl imperativ sco era la gradaziun ed igl accord dils adjectivs.