La pronunzcha dal vallader scrit nun es standardisada in tuot ils detagls. Üna buna part dals custabs, da las gruppas da custabs e dals pleds vegnan pronunzchats sco quai chi vegnan scrits. Las gruppas da custabs ch, sch, s-ch, dsch, tsch, ce, ci, ge, gi, gö, gü, gl e gn sun suns specials. Per quai chi reguarda la pronunzcha dals vocals (averts e serrats, lungs e cuorts) e da gruppas da vocals (diftongs e triftongs) existan tschertas varietats regiunalas e localas.

 

La pronunzcha vain trattada ed exercitada illa prüma classa cun agüd da la fibla 'Leger. E co!'. Qua suotvart seguan be las differenzas las plü importantas illa pronunzcha dals vocals e diftongs tenor regiuns e cumüns da l’intschess d'Engiadina Bassa e Val Müstair. La repartiziun da las regiuns (E1, E2 ed E3) es quella dal 'Dicziunari Rumantsch Grischun', edi da la Società Retorumantscha.

scripziun	pronunzcha	pronunzcha	pronunzcha	exaimpels
	E1	E2	E3
a	a	a (Zern: a, ä)	a (VM: au, a)	pan charn
ei	e (ma: eir) (Ram/Se: er)	ei (Ard: er, eir)	e	eivna, leiv,  meis, eir
ou	o	ou	o	cour, ouvra,  scoula
aiv (imperfet)	ev	eiv	aiv  (VM: äa)	els faivan
ieu	ou	ou	au	gnieu, Dieu
eu (prn. pers.)	ä	ä	eu	Su: je, ja Zern: jou VM: jau, ja

La libertà da pronunzchar quists vocals e diftongs sco quai chi s'es adüsà permetta da mantgnair il culurit local eir in contact culla lingua scritta e renda quella uschè plü famigliara.

 

Legenda:

E1	E2	E3
Tschlin, Martina, Strada, Ramosch (Ram), Vnà, Sent (Se), Scuol, Tarasp	Ftan, Ardez (Ard), Guarda, Lavin, Susch (Su), Zernez (Zern)	Tschierv, Fuldera, Lü/Lüsai, Valchava, Sta. Maria, Müstair (VM)